నటసింహం నందమూరి బాలకృష్ణ మరియు మాస్ డైరెక్టర్ బోయపాటి శ్రీను కాంబినేషన్లో రూపొందిన ‘అఖండ-2’ రిలీజ్ కు కొద్దీ గంటల సమయం మాత్రమే ఉండడం తో మేకర్స్ అభిమానులకు భారీ సర్ప్రైజ్ను అందించారు. ఈ చిత్రం ఈ నెల 12వ తేదీన ప్రపంచవ్యాప్తంగా విడుదల కానుంది. ఈ తరుణంలో, సినిమాపై అంచనాలను అమాంతం పెంచే విధంగా, చిత్ర యూనిట్ తాజాగా ‘రిలీజ్ టీజర్ను’ విడుదల చేసింది. ఈ కొత్త టీజర్ బాలకృష్ణ అభిమానులను, సినీ ప్రేక్షకులను ఎంతగానో ఆకట్టుకుంటోంది.
Latest News: DSP Fraud Allegations: రాయ్పూర్లో సంచలనం: పోలీసు అధికారిపై మోసం, బెదిరింపుల కేసు
విడుదలైన ఈ టీజర్లో బాలకృష్ణ యొక్క అఖండమైన లుక్స్, ఆయన పలికిన పవర్ఫుల్ డైలాగ్స్ ప్రేక్షకులను ఉర్రూతలూగిస్తున్నాయి. ముఖ్యంగా, భారీ యాక్షన్ సీక్వెన్స్లు సినిమా రేంజ్ను ఎలివేట్ చేశాయి. ఈ యాక్షన్ ఘట్టాలు బోయపాటి మార్క్ టేకింగ్ను మరోసారి రుజువు చేస్తున్నాయి. వీటికి తోడు, ఎస్.ఎస్. తమన్ అందించిన బ్యాక్గ్రౌండ్ మ్యూజిక్ (BGM) టీజర్కు మరింత ఉద్వేగాన్ని జోడించింది. ‘అఖండ’ సినిమాలోని మ్యూజిక్ కంటే కూడా ఈసారి తమన్ మరోస్థాయిలో పనితీరు చూపించారని ఫ్యాన్స్ ప్రశంసిస్తున్నారు. మొత్తంమీద, టీజర్ సినిమాపై ఉన్న అంచనాలను రెట్టింపు చేసింది.
సినిమా విడుదల నేపథ్యంలో రెగ్యులర్ టికెట్ బుకింగ్స్ ఇప్పటికే మొదలయ్యాయి. భారీ క్రేజ్ కారణంగా టికెట్లు హాట్ కేకుల్లా అమ్ముడవుతున్నాయి. ఇక, ఈ చిత్రం యొక్క ప్రీమియర్ షో టికెట్లు రేపు (డిసెంబర్ 11) సాయంత్రం నుంచి అందుబాటులో ఉండనున్నాయి. ఇప్పటికే తెలంగాణ ప్రభుత్వం ప్రీమియర్ షో టికెట్ ధరను రూ.600గా నిర్ణయించిన విషయం తెలిసిందే. ఆంధ్రప్రదేశ్ ప్రభుత్వం కూడా టికెట్ రేట్ల పెంపునకు అనుమతి ఇవ్వడంతో, ‘అఖండ-2’ విడుదలైన తొలి రోజు నుంచే బాక్సాఫీస్ వద్ద భారీ వసూళ్లను రాబట్టేందుకు సిద్ధంగా ఉందని స్పష్టమవుతోంది.
Read hindi news: hindi.vaartha.com
Epaper : epaper.vaartha.com