పాన్ ఇండియా స్టార్ ప్రభాస్ (Prabhas) ప్రధాన పాత్రలో మారుతీ దర్శకత్వంలో రూపొందుతున్న హర్రర్ ఎంటర్టైనర్ ‘ది రాజాసాబ్’ (The Raja Saab ) . ఈ మూవీ కొత్త అప్డేట్ సినీ వర్గాల్లో చర్చనీయాంశంగా మారింది. ఇప్పటికే చిత్రానికి సంబంధించి షూటింగ్ పూర్తి కావస్తున్న నేపథ్యంలో, ఇప్పుడు డబ్బింగ్ పనులకు శ్రీకారం చుట్టనున్నట్టు సమాచారం. ఈ చిత్రాన్ని యూవీ క్రియేషన్స్ భారీ స్థాయిలో నిర్మిస్తోంది.
ఈ వారంలో డబ్బింగ్ స్టార్ట్
అంతేకాక, ప్రభాస్ స్వయంగా ఈ సినిమా కోసం తెలుగుతో పాటు హిందీ భాషలో కూడా డబ్బింగ్ చెబుతారనే వార్త ఇప్పుడు అభిమానుల్లో ఆసక్తిని పెంచుతోంది. డబ్బింగ్ పనులు ఈ నెల మొదటి వారంలోనే ప్రారంభం కానున్నాయని సినీ వర్గాల్లో జోరుగా ప్రచారం సాగుతోంది. ఇది ప్రభాస్ హిందీ మార్కెట్ పట్ల చూపిస్తున్న ప్రత్యేకతను మరొకసారి రుజువు చేస్తోంది. భయానకత, హాస్యం, మిస్టరీల మేళవింపుతో ఈ సినిమా పూర్తి వినోదాన్ని అందించనుందని సమాచారం.
ప్రమోషన్లు షురూ
డబ్బింగ్ పనులు పూర్తయ్యిన వెంటనే మూవీ ప్రమోషన్లకు సంబంధించిన కార్యక్రమాలు ప్రారంభమయ్యే అవకాశం ఉంది. ఇప్పటికే ప్రభాస్ “సలార్” వంటి భారీ సినిమాల విజయంతో మంచి ఫారమ్లో ఉన్నందున, ఈ సినిమా పైనా భారీ అంచనాలు నెలకొన్నాయి. ప్రమోషన్ల దశలో చిత్రబృందం పోస్టర్లు, టీజర్లు, ట్రైలర్లతో ప్రేక్షకుల్లో ఉత్సాహం నింపేందుకు సిద్ధమవుతోంది. ‘ది రాజాసాబ్’ మరింత సమాచారం కోసం అభిమానులు ఆతృతగా ఎదురుచూస్తున్నారు.
Read Also : Chicken Rates: భారీగా పెరిగిన చికెన్ ధరలు