యంగ్ టాలెంట్ సుహాస్ ప్రధాన పాత్రలో నటిస్తున్న తాజా రొమాంటిక్ కామెడీ ‘ఓ భామ అయ్యో రామ‘ మీద అంచనాలు పెరిగిపోతున్నాయి. మాళవిక మనోజ్ (జో ఫేమ్) ఈ సినిమా ద్వారా తెలుగులో కథానాయికగా పరిచయమవుతోంది.రామ్ గోధల దర్శకత్వం వహిస్తుండగా, హరీష్ నల్ల వీ ఆర్ట్స్ పతాకంపై నిర్మిస్తున్నాడు. ఈ చిత్రాన్ని రానా దగ్గుబాటి స్పిరిట్ మీడియా ద్వారా విడుదల చేయనున్నారు.ఈ వేసవిలో సందడి చేయనున్న ఈ చిత్ర టీజర్ను ఇటీవలే విడుదల చేశారు. టీజర్ చూసిన ప్రేక్షకులు సుహాస్ కొత్త లుక్, కథా కథనంపై ఆసక్తిగా ఎదురుచూస్తున్నారు.యూత్ఫుల్ ఎంటర్టైన్మెంట్తో పాటు రొమాంటిక్ ఎలిమెంట్స్ ఇందులో ప్రధాన ఆకర్షణగా నిలవనున్నాయి.ఈ సినిమా టైటిల్ సాంగ్ ‘ఎలాగుండే వాడ్నే ఎలాగా అయిపోయానే.’అనే లిరికల్ వీడియోను గురువారం విడుదల చేశారు.
శ్రీ హర్ష ఈమని అందించిన సాహిత్యానికి శరత్ సంతోష్ స్వరాలు జతకలిశాయి. సంగీత దర్శకుడు రథన్ కంపోజ్ చేసిన ఈ పాటను మెయిన్ మాస్టర్ స్టైలిష్ కొరియోగ్రఫీతో ముస్తాబుచేశారు.”ఇది పూర్తిగా యూత్ఫుల్గా సాగే సాంగ్.హీరో హీరోయిన్ ఎనర్జీకి మరింత కిక్కిచ్చేలా ఉంటుంది.ఈ రొమాంటిక్ ఎంటర్టైనర్ మీ హృదయాలను దోచుకునేలా ఉంటుంది.తప్పకుండా మంచి సినిమాను ప్రేక్షకులకు అందిస్తాం.”అని విశ్వాసం వ్యక్తం చేశారు.”రథన్ ఈ లవ్స్టోరీకి అద్భుతమైన సంగీతాన్ని అందించాడు. సినిమాలోని ఆరు పాటలూ వేరువేరుగా ప్రత్యేకమైన అనుభూతిని ఇస్తాయి.తాజా లిరికల్ సాంగ్ ప్రేక్షకులను ఆకట్టుకుంటుంది. కథ, సంగీతం, హీరో-హీరోయిన్ కెమిస్ట్రీ సినిమాను మరో లెవల్కు తీసుకెళ్తాయి. ప్రేక్షకులు ఈ వేసవిలో కూల్ ఎంటర్టైన్మెంట్ అనుభవించనున్నారు!” అని చెప్పారు.
పాటలోని హైలైట్స్ – యూత్కు కనెక్ట్ అయ్యే క్యూట్ లవ్స్టోరీ!
సుహాస్, మాళవిక జోడీ ఎంతో ఫ్రెష్గా కనిపిస్తోంది.
పాటలోని లిరిక్స్ ట్రెండీగా ఉండటంతో యువతలో మంచి రెస్పాన్స్ వస్తోంది.
మణికందన్ సినిమాటోగ్రఫీ ఈ పాటను మరింత అందంగా మలిచింది.
హీరో-హీరోయిన్ డ్యాన్స్ మూమెంట్స్ హైలైట్గా నిలుస్తాయి.