Sikandar Trailer : ‘సికందర్’ యాక్షన్ ట్రైలర్ విడుదల బాలీవుడ్ సూపర్ స్టార్ సల్మాన్ ఖాన్ హీరోగా, నేషనల్ క్రష్ రష్మిక మందన్న కథానాయికగా నటిస్తున్న ప్రతిష్టాత్మక చిత్రం ‘సికందర్’. అగ్రశ్రేణి దర్శకుడు ఏ.ఆర్. మురుగదాస్ తెరకెక్కిస్తున్న ఈ భారీ యాక్షన్ ఎంటర్టైనర్ తాజాగా ట్రైలర్ రూపంలో ప్రేక్షకుల ముందుకు వచ్చింది. ట్రైలర్ చూసిన వెంటనే ఈ సినిమా ఒక పవర్పుల్ యాక్షన్ డ్రామాగా తెరకెక్కిందని స్పష్టమవుతోంది.ప్రతి ఫ్రేమ్ కూడా ఉత్కంఠగా, గ్రిప్పింగ్గా ఉండటంతో సినిమాపై అంచనాలు పెరిగిపోయాయి.ఈ చిత్రంలో సల్మాన్ ఖాన్ ‘సికందర్’ అనే విభిన్నమైన పాత్రలో కనిపించబోతున్నారు.పగ, న్యాయం, ప్రేమ నేపథ్యంలో సాగే ఈ పాత్రలో ఆయన తనదైన స్టైల్లో అదిరిపోయే యాక్షన్ సీన్లు చేయనున్నారు.ట్రైలర్లో ఆయన డైలాగ్స్, యాక్షన్ ఎపిసోడ్స్ ఫ్యాన్స్కి పూనకాలు తెప్పించేలా ఉన్నాయి.
గతంలో ఎన్నో మాస్ అండ్ యాక్షన్ సినిమాల్లో మెప్పించిన సల్మాన్, ఈ సినిమాలో మరోసారి తన స్టామినా ఏంటో చూపించనున్నారు.రష్మిక మందన్న పాత్ర కూడా సినిమాలో కీలకమైనదిగా కనిపిస్తోంది.ఆమె తళుకుబెళుకులు మాత్రమే కాకుండా, తన నటనతోనూ ఆకట్టుకునేలా ఉంది. ఆమె పాత్ర కథకు ఎంతగానో బలం చేకూరుస్తుందని, కథానాయికగా ఓ కొత్త కోణాన్ని తెచ్చిపెడుతుందని ట్రైలర్ చూస్తేనే అర్థమవుతోంది.మురుగదాస్ స్టైల్లో రష్మికను మాస్ అవతారంలో చూడబోతున్నారన్న అంచనాలు ఉన్నాయి.ఈ చిత్రానికి ఏ.ఆర్. మురుగదాస్ దర్శకత్వం వహిస్తుండటంతో సహజంగానే అంచనాలు భారీగా ఉన్నాయి. ‘గజిని’, ‘తుపాకీ’, ‘సర్కార్’ వంటి సూపర్ హిట్ సినిమాలను అందించిన ఆయన, ‘సికందర్’తో మరోసారి మాసివ్ బ్లాక్బస్టర్ను అందించనున్నారని అభిమానులు నమ్మకంగా ఉన్నారు.ట్రైలర్లో కనిపించిన గ్రిప్పింగ్ స్క్రీన్ప్లే, పవర్ఫుల్ డైలాగ్స్ మురుగదాస్ మార్క్ను స్పష్టంగా చూపిస్తున్నాయి.
ఈ చిత్రాన్ని ప్రముఖ నిర్మాత సాజిద్ నడియాడ్వాలా అత్యంత భారీ బడ్జెట్తో నిర్మిస్తున్నారు. హై ప్రొడక్షన్ వాల్యూస్, అత్యాధునిక యాక్షన్ ఎలిమెంట్స్, గ్రాండ్ విజువల్స్ సినిమాకు ప్రధాన ఆకర్షణగా నిలవనున్నాయి. హాలీవుడ్ స్థాయిలో అద్భుతమైన యాక్షన్ సీక్వెన్స్లను సినిమాలో చూడబోతున్నామనే టాక్ వినిపిస్తోంది.మ్యూజిక్, బ్యాక్గ్రౌండ్ స్కోర్ కూడా ట్రైలర్లో హైలైట్గా నిలిచాయి.ఇక ఈ సినిమా ప్రపంచవ్యాప్తంగా 2025 మార్చి 30న గ్రాండ్గా విడుదల కానుంది. బాలీవుడ్లోనే కాకుండా, దక్షిణాది రాష్ట్రాల్లో కూడా భారీ స్థాయిలో రిలీజ్ చేయాలని చిత్ర బృందం ప్లాన్ చేస్తోంది.ప్రత్యేకంగా తెలుగు, తమిళ భాషల్లో కూడా భారీ ప్రమోషన్స్ జరిపేందుకు సిద్దమవుతోంది.ట్రైలర్తోనే ఈ సినిమాపై అంచనాలు అమాంతం పెరిగిపోయాయి. మరి ‘సికందర్’ నిజంగానే మరో ఇండస్ట్రీ హిట్ కొడతాడా? అనేది చూడాలి!