Sharwanand : శర్వానంద్ కొత్త సినిమా టైటిల్ ఖరారైంది యంగ్ హీరో శర్వానంద్ కొత్త సినిమా విశేషాలు తెలియజేస్తూ చిత్రబృందం ఆసక్తికరమైన అప్డేట్ ను అందించింది. ‘సమాజవరగమన’ ఫేమ్ రామ్ అబ్బరాజు దర్శకత్వంలో తెరకెక్కుతున్న ఈ చిత్రం టైటిల్ ‘నారి నారి నడుమ మురారి’ గా ఖరారైంది. ప్రముఖ నందమూరి బాలకృష్ణ నటించిన క్లాసిక్ సినిమాకు ఇదే టైటిల్ ఉండడం విశేషం. ఇప్పుడీ టైటిల్ మరలా శర్వానంద్ సినిమాకు పెట్టడం సినీ అభిమానుల్లో ఆసక్తిని రేకెత్తిస్తోంది.సినిమా ప్రమోషన్స్ షురూ చేసేందుకు సిద్ధమవుతున్న చిత్రబృందం మొదటి పాట విడుదలకు ముహూర్తాన్ని ఫిక్స్ చేసింది. ఏప్రిల్ 7న ‘దర్శనమే’ అనే ఫస్ట్ సింగిల్ ను రిలీజ్ చేయనున్నారు. ఈ మేరకు శర్వానంద్, సమ్యుక్త ఫీచర్ అయిన కొత్త పోస్టర్ ను విడుదల చేశారు.
ఇందులో బైక్ పై శర్వానంద్, ఆయన వెనుక సమ్యుక్త ప్రేమగా హత్తుకోవడం హైలైట్ గా కనిపిస్తోంది.ఈ పోస్టర్ సినిమా పట్ల ఆసక్తిని మరింత పెంచింది.ఈ చిత్రాన్ని అనిల్ సుంకర ఏకే ఎంటర్టైన్మెంట్స్ బ్యానర్పై నిర్మించగా, రామబ్రహ్మం సుంకర, అడ్వెంచర్స్ ఇంటర్నేషనల్ ప్రైవేట్ లిమిటెడ్ సంస్థలు సంయుక్తంగా నిర్మాణ బాధ్యతలు చేపట్టాయి. వినోదంతో సాగే ఈ సినిమా ప్రేక్షకులకు హాస్యంతో పాటు మంచి అనుభూతిని అందించనున్నట్లు తెలుస్తోంది.ఇక ఈ చిత్రానికి సంగీత దర్శకుడిగా విశాల్ చంద్రశేఖర్ పని చేస్తున్నారు. ప్రస్తుతం షూటింగ్ దశలో ఉన్న ఈ చిత్రం వేసవి సెలవుల సందర్భంగా థియేటర్లలో సందడి చేయనుంది. మరి ఈ చిత్రంతో శర్వానంద్ మరో హిట్ అందుకుంటారా? అనేది ఆసక్తికరంగా మారింది.