Biker film release date : యంగ్ హీరో శర్వానంద్ నటిస్తున్న స్పోర్ట్స్ యాక్షన్ థ్రిల్లర్ ‘బైకర్’ చిత్రానికి కొత్త రిలీజ్ డేట్ ఫిక్స్ అయింది. ఈ సినిమాను ఏప్రిల్ 3న ప్రపంచవ్యాప్తంగా థియేటర్లలో విడుదల చేయనున్నట్లు నిర్మాణ సంస్థ UV Creations అధికారికంగా ప్రకటించింది. సోషల్ మీడియాలో విడుదల చేసిన పోస్టర్కు “ఇంజిన్ స్టార్ట్ అయింది.. ట్రాక్ సిద్ధంగా ఉంది” అంటూ ఆసక్తికర క్యాప్షన్ జతచేశారు.
మొదట ఈ చిత్రాన్ని గతేడాది డిసెంబర్లో విడుదల చేయాలని భావించినప్పటికీ, ప్రేక్షకులకు మరింత థ్రిల్లింగ్ అనుభూతిని అందించేందుకు రిలీజ్ను వాయిదా వేశారు. ముఖ్యంగా 3D, 4DX వంటి ఆధునిక ఫార్మాట్లలో సినిమా చూపించేందుకు సాంకేతిక పనులు పూర్తి చేయాల్సి రావడంతో ఆలస్యం జరిగినట్లు చిత్రబృందం తెలిపింది.
Read Also: India US tariff: గుడ్ న్యూస్.. భారత్ పై టారిఫ్లు తగ్గించిన ట్రంప్
దర్శకుడు అభిలాష్ కంకర ఈ చిత్రాన్ని తెరకెక్కిస్తున్నారు. ఇందులో శర్వానంద్ ప్రొఫెషనల్ బైక్ రేసర్ పాత్రలో కనిపించనున్నారు. హై వోల్టేజ్ రేసింగ్ సన్నివేశాలు, రియల్ స్టంట్స్ ప్రేక్షకులకు కొత్త అనుభూతిని ఇస్తాయని యూనిట్ చెబుతోంది. హీరోయిన్గా మాళవిక నాయర్ నటిస్తుండగా, బ్రహ్మాజీ, అతుల్ కులకర్ణి కీలక పాత్రల్లో కనిపించనున్నారు.
సంగీతాన్ని జిబ్రాన్ అందిస్తుండగా, సినిమాటోగ్రఫీని జె. యువరాజ్ నిర్వహిస్తున్నారు. 90వ దశకం, 2000ల మోటోక్రాస్ రేసింగ్ నేపథ్యంలో మూడు తరాల కుటుంబ కథగా ఈ చిత్రం రూపొందుతోంది.
Read hindi news : hindi.vaartha.com
Epaper : epapervaartha.com
Read Also: