ఆంధ్రప్రదేశ్ డిప్యూటీ సీఎం హోదాలో ఉన్న పవన్ కళ్యాణ్ (Pawan Kalyan) సినీ పరిశ్రమకు స్పష్టమైన మార్గదర్శకాలను అందించారు. టికెట్ రేట్లు, స్పెషల్ షో(Ticket prices, special shows)లకు సంబంధించిన అంశాల్లో దర్శకులు, నిర్మాతలు లేదా హీరోలు తనను వ్యక్తిగతంగా కలవవద్దని సూచించారు. ఈ అంశాలపై తెలుగు ఫిలిం ఛాంబర్ ఆఫ్ కామర్స్ (Telugu Film Chamber of Commerce) ద్వారా ప్రభుత్వాన్ని సంప్రదించాలన్నారు. పవన్ సూచనల మేరకు ‘హరిహర వీరమల్లు’ నిర్మాత ఏయం రత్నం ఫిలిం ఛాంబర్ అధ్యక్షుడు భారత్ భూషణ్ను జూన్ 2న కలిశారు. జూన్ 12న విడుదల కానున్న చిత్రానికి టికెట్ రేట్ల పెంపు మరియు స్పెషల్ షోలకు అనుమతించాలన్న అభ్యర్థనను అధికారికంగా పెట్టారు.
‘హరిహర వీరమల్లు’ చిత్రనికైనా అదే రూల్
ఈ సందర్భంగా పవన్ కళ్యాణ్ వ్యవహార శైలి ప్రశంసించదగినదిగా మారింది. తాను నటించిన సినిమా(HariHara Veera Mallu)కైనా ప్రత్యేక అనుకూలత ఇవ్వకూడదని ఆయన తీసుకున్న వైఖరి సినీ పరిశ్రమకు ఒక నూతన నిబద్ధతకు ఉదాహరణగా నిలిచింది. టికెట్ రేట్ల విషయంలో ఒక్కో సినిమాకోసం వ్యక్తిగతంగా కలవడం కాదు, ఒక వ్యవస్థ ద్వారా సమస్యల పరిష్కారం కోరుకోవడం ముఖ్యమని పవన్ స్పష్టం చేశారు. ఇదే ప్రక్రియను అనుసరించిన ఏయం రత్నం తగిన విధంగా వ్యవహరించారని తెలుస్తోంది.
Read Also : TTD : తిరుమలలో వరుస ఘటనల పై విచారణ చేపట్టాలని డీజీపీకి భానుప్రకాష్ రెడ్డి లేఖ
థియేటర్ల బంద్ కుట్ర
అయితే, సినిమా విడుదలకు ముందు జూన్ 1 నుంచి కొన్ని థియేటర్లు బంద్ చేయాలని కొంతమంది కుట్ర చేసినట్టు వార్తలు వెలుగులోకి వచ్చాయి. ఈ విషయంపై మంత్రి కందుల దుర్గేష్ విచారణకు ఆదేశించారు. ఇక, టాలీవుడ్ పెద్దలు కొత్తగా ఏర్పడిన కూటమి ప్రభుత్వాన్ని మర్యాద పూర్వకంగా కలవకపోవడం పట్ల డిప్యూటీ సీఎం కార్యాలయం అసంతృప్తి వ్యక్తం చేసింది. సినీ పరిశ్రమ అభివృద్ధి కోసం ప్రభుత్వం తగినవిగా స్పందించేందుకు సిద్ధంగా ఉందని, కానీ వ్యవస్థను పాటించాలని సూచించింది. ‘హరిహర వీరమల్లు’ వంటి భారీ చిత్రాలు కూడా ఈ మార్గదర్శకాల ప్రకారమే ముందుకు సాగటం, పరిశ్రమకు కొత్త నైపుణ్యాన్ని తెస్తుంది.
Producer A.M. Rathnam garu met with Telugu Film Chamber Of Commerce President Bharat Bhushan garu and officially submitted a request letter seeking ticket price revision and approval for special shows in Andhra Pradesh for the upcoming film #HariHaraVeeraMallu, releasing on JUNE… pic.twitter.com/OJhDr3EJK7— L.VENUGOPAL???? (@venupro) June 2, 2025