Yash Toxic Teaser Release: ‘కేజీఎఫ్’ సిరీస్తో గ్లోబల్ స్టార్గా ఎదిగిన రాకింగ్ స్టార్ యష్ నటిస్తున్న తాజా చిత్రం ‘టాక్సిక్: ఎ ఫెయిరీ టేల్ ఫర్ గ్రోన్-అప్స్’ టీజర్ శుక్రవారం విడుదలై సోషల్ మీడియాను షేక్ చేస్తోంది. ఫిబ్రవరి 20 ఉదయం విడుదలైన ఈ 1.55 నిమిషాల టీజర్ మొత్తం భారీ యాక్షన్ సన్నివేశాలు, విధ్వంసంతో నిండిపోయింది. ఇందులో యష్ ‘రాయ’ అనే డార్క్ పాత్రలో మోస్ట్ వైలెంట్ అవతారంలో కనిపించారు. ‘అందరితో విరోధం పెట్టుకొని బతకలేవు… పట్టుదల వదిలేయ్’ అనే పవర్ఫుల్ డైలాగ్ సినిమాపై అంచనాలను ఒక్కసారిగా పెంచేసింది.
Read Also: Rajamouli-Mahesh Babu: వారణాసిలో కిచ్చా సుదీప్?
భారీ తారాగణం – మేకింగ్ విజువల్స్
గీతూ మోహన్ దాస్ దర్శకత్వంలో తెరకెక్కుతున్న ఈ పాన్ ఇండియా చిత్రంలో నయనతార, కియారా అద్వానీ, హ్యూమా ఖురేషీ, తారా సుతారియా వంటి స్టార్ హీరోయిన్లు కీలక పాత్రల్లో నటిస్తున్నారు. 1970ల నాటి గోవా డ్రగ్ మాఫియా, అండర్వర్ల్డ్ నేపథ్యంలో సాగే ఈ చిత్రం అంతర్జాతీయ స్థాయి యాక్షన్ ఎలిమెంట్స్తో రూపొందుతోంది. యష్ స్వయంగా ఈ సినిమా నిర్మాణ బాధ్యతలు చేపట్టడం విశేషం. ఇప్పటికే తెలుగు రాష్ట్రాల్లో థియేట్రికల్ రైట్స్ భారీ ధర పలికాయని, దిల్ రాజు సుమారు రూ.120 కోట్లకు వీటిని సొంతం చేసుకున్నారని సమాచారం.
Yash Toxic Teaser Release: సెన్సార్ అంచనాలు – బాక్సాఫీస్ టార్గెట్
టీజర్లో కనిపిస్తున్న మితిమీరిన హింస, రక్తపాతం కారణంగా ఈ చిత్రానికి ‘A’ సర్టిఫికెట్ వచ్చే అవకాశం ఉందని సినీ వర్గాలు భావిస్తున్నాయి. వైలెంట్ కంటెంట్ వల్ల ఫ్యామిలీ ఆడియన్స్ స్పందన ఎలా ఉంటుందన్న చర్చ జరుగుతున్నప్పటికీ, యష్ క్రేజ్ దృష్ట్యా బాక్సాఫీస్ వద్ద సంచలనాలు నమోదవ్వడం ఖాయమని తెలుస్తోంది. అన్ని అంచనాలను అందుకుంటూ ఈ యాక్షన్ థ్రిల్లర్ మార్చి 19న ప్రపంచవ్యాప్తంగా విడుదల కానుంది.
Read hindi news: hindi.vaartha.com
Read Also Epaper : epaper.vaartha.com
Read Also: