తెలంగాణ ప్రభుత్వం సినీ పరిశ్రమకు ఊతమిచ్చే మరో కీలక నిర్ణయాన్ని ప్రకటించింది. ముఖ్యమంత్రి ఏ. రేవంత్ రెడ్డి మాట్లాడుతూ.. మూవీ టికెట్ ధరలు పెంచే ప్రతిపాదనపై ప్రభుత్వం సానుకూలంగా ఉందని చెప్పారు. అయితే ఒక నిబంధన ఆ పెరిగిన టికెట్ ఆదాయంలో 20 శాతం సినీ కార్మికుల సంక్షేమానికి కేటాయిస్తే మాత్రమే రేట్ల పెంపునకు అనుమతి ఇవ్వనున్నట్లు తెలిపారు. “సినీ కార్మికుల కష్టాలు నాకు బాగా తెలుసు. అధికారంతో కళ్లు మూసుకుపోలేదు. వారి జీవన ప్రమాణాలను మెరుగుపరచడానికి ప్రభుత్వం కట్టుబడి ఉంటుందని” అన్నారు.
News Telugu: Rajinikanth: రజనీకాంత్, ధనుష్ ఇళ్లకు బెదిరింపు మెయిల్!
అలాగే హైదరాబాద్ను అంతర్జాతీయ సినిమా ప్రొడక్షన్ హబ్గా తీర్చిదిద్దాలని సంకల్పించారు. న్యూయార్క్, టోక్యో, సింగపూర్, దుబాయ్ నగరాలకు పోటీగా సినిమాల షూటింగ్లు హైదరాబాద్లో జరిగేలా ప్రోత్సహిస్తామని సీఎం తెలిపారు. ఇందుకోసం ప్రభుత్వం అవసరమైన మౌలిక సదుపాయాలు, అనుమతులలో సౌలభ్యం, టెక్నికల్ సపోర్ట్ వంటి అంశాలను బలపరచనున్నట్లు చెప్పారు. ఫిల్మ్సిటీలో ఆధునిక ఎడిటింగ్ యూనిట్లు, సౌండ్ స్టూడియోలు, అంతర్జాతీయ ప్రమాణాల షూటింగ్ స్పేస్లను అభివృద్ధి చేసే ప్రణాళికను కూడా ప్రకటించారు. ఈ నిర్ణయాల ద్వారా తెలంగాణ గ్లోబల్ ఫిల్మ్ డెస్టినేషన్గా మారే అవకాశముందని విశ్లేషకులు పేర్కొంటున్నారు.
సినీ కార్మికుల సంక్షేమం దృష్ట్యా ముఖ్యమంత్రి పలు సదుపాయాలను ప్రకటించారు. కార్మికుల పిల్లలకు కార్పొరేట్ స్థాయిలో ఉచిత విద్య, భోజన సదుపాయం కల్పించనున్నట్లు తెలిపారు. ఇది కార్మిక కుటుంబాలకు భారీ ఆర్థిక ఊరటనిస్తుందని సినీ యూనియన్లు పేర్కొన్నాయి. అదేవిధంగా, సినీ కార్మికుల వైద్యసేవల కోసం ప్రత్యేక ఆరోగ్యభీమా పథకం ప్రవేశపెట్టే అవకాశాన్ని కూడా ప్రభుత్వం పరిశీలిస్తోంది. రేవంత్ రెడ్డి పేర్కొన్న ఈ చర్యలు పరిశ్రమలో సమగ్ర అభివృద్ధికి దోహదం చేస్తాయని, తెలంగాణ సినీ పరిశ్రమ మరోసారి చెలరేగే దిశగా వెళ్తుందని విశ్లేషకులు భావిస్తున్నారు.
Read hindi news: https://hindi.vaartha.com
Epaper : https://epaper.vaartha.com/