Prabhakar statement : ‘బరాబర్ ప్రేమిస్తా’ సినిమా ప్రీ-రిలీజ్ ఈవెంట్లో తన కుమారుడు, హీరో Chandrahass పాడిన పాటపై చెలరేగిన వివాదంపై నటుడు Prabhakar స్పందించారు. ఈ మేరకు వీడియో విడుదల చేసిన ఆయన, తన కుటుంబ సభ్యులను ఉద్దేశించి వ్యక్తిగత విమర్శలు చేయడం తగదని ఆవేదన వ్యక్తం చేశారు. ఒక చిన్న తప్పును ఆధారంగా చేసుకుని తన పెంపకాన్ని ప్రశ్నించడం సరికాదని అన్నారు.
గత నాలుగు రోజులుగా సోషల్ మీడియాలో తన కుమారుడు ఉపయోగించిన కొన్ని అసభ్యకర పదాలపై తీవ్ర చర్చ జరుగుతోందని ప్రభాకర్ పేర్కొన్నారు. “నా కొడుకైనా, మరెవరైనా ఇలాంటి పదాలు వాడితే అది తప్పే అని చెబుతాను. నేను ఎట్టి పరిస్థితుల్లోనూ అలాంటి ప్రవర్తనను ప్రోత్సహించను” అని స్పష్టం చేశారు. ఈవెంట్ అనంతరం వ్యక్తిగతంగా తన కుమారుడికి అలాంటి పాటలు పాడకూడదని చెప్పినట్లు వెల్లడించారు.
Read Also: Phone: నోట్లో పేలిన ఫోన్ బ్యాటరీ!
తప్పును ఎత్తి చూపడంలో తప్పు లేదని, కానీ ఆ తప్పును (Prabhakar statement) చూపిస్తూ మరికొందరు ఇంకా ఎక్కువ అసభ్య పదాలు ఉపయోగించడం సరైంది కాదని అన్నారు. ఆ పాటలో రెండు మూడు అనుచిత పదాలు ఉంటే, వాటిని ప్రస్తావిస్తూ ఇరవై, ముప్పై పదాలు వినిపించడం బాధ్యతగా అనిపించదని వ్యాఖ్యానించారు.
ఈ కార్యక్రమానికి తన భార్య, కూతురు హాజరు కాలేదని, అయినప్పటికీ వారిని లక్ష్యంగా చేసుకుని విమర్శలు చేయడం బాధ కలిగించిందని తెలిపారు. తన కుమారుడి ప్రవర్తన వల్ల ఎవరైనా బాధపడి ఉంటే క్షమించాలని బహిరంగంగా కోరారు. అలాగే దర్శకులు JD Chakravarthy, Jayant C Paranjee లకు కూడా ఆయన క్షమాపణలు చెప్పారు.
Read hindi news: hindi.vaartha.com
Read Also Epaper : epaper.vaartha.com
Read Also: