పవన్ కళ్యాణ్ నటించిన తాజా యాక్షన్ ఎంటర్టైనర్ ‘OG’ సినిమాపై ఇప్పుడు OTT ప్రేక్షకుల దృష్టి పడింది. సెప్టెంబర్ 25న ప్రపంచవ్యాప్తంగా థియేటర్లలో గ్రాండ్గా విడుదలైన ఈ చిత్రం బాక్స్ ఆఫీస్ వద్ద శాటిలైట్ హిట్గా నిలిచింది. సుజీత్ దర్శకత్వంలో రూపొందిన ఈ సినిమా పవన్ కళ్యాణ్ కెరీర్లో మరో మైలురాయిగా నిలుస్తుందని సినీ విశ్లేషకులు అభిప్రాయపడుతున్నారు. ముఖ్యంగా పవర్ స్టార్ లుక్, మాస్ యాక్షన్ సీక్వెన్సులు, బ్యాక్గ్రౌండ్ స్కోర్, ఎమోషనల్ ఎలిమెంట్స్ ఇలా అన్ని కలసి ప్రేక్షకులను థియేటర్లలో ఉర్రూతలూగించాయి. థియేటర్లలో ఈ సినిమా మొదటి రోజు నుంచే హౌస్ఫుల్ షోలు సాధించడం, భారీ ఓపెనింగ్స్ రావడం పవన్ క్రేజ్ ఏ స్థాయిలో ఉందో మరోసారి నిరూపించింది.
Punnami Garuda Seva 2025 : నేడు తిరుమలలో పున్నమి గరుడ సేవ
తాజా సమాచారం ప్రకారం .. ఈ చిత్రం ఈ నెల 23న నెట్ఫ్లిక్స్లో స్ట్రీమింగ్ కానుందని సినీ వర్గాలు చెబుతున్నాయి. అయితే ఇప్పటివరకు అధికారిక ప్రకటన వెలువడలేదు. ఇప్పటికే సినిమా థియేటర్లలో అద్భుతమైన విజయాన్ని సాధించిన నేపథ్యంలో, OTT రిలీజ్పై అభిమానుల్లో ఉత్సాహం మరింత పెరిగింది. సాధారణంగా పవన్ కళ్యాణ్ సినిమాలు ఓటిటీలో రిలీజ్ అయ్యినప్పుడు కూడా రికార్డు వ్యూస్ సాధిస్తాయి. ఈసారి కూడా అదే స్థాయిలో రెస్పాన్స్ వస్తుందని అంచనా వేస్తున్నారు. నెట్ఫ్లిక్స్లో ‘OG’ అందుబాటులోకి రావడం వల్ల, థియేటర్లో చూడలేకపోయిన ఫ్యాన్స్కు ఇది పెద్ద అవకాశం కానుంది.
కలెక్షన్ పరంగా చూసుకుంటే.. సినిమా టీమ్ ప్రకటించిన వివరాల ప్రకారం ‘OG’ ఇప్పటికే రూ.300 కోట్లకు పైగా గ్రాస్ వసూళ్లు సాధించింది. ఇది పవన్ కళ్యాణ్ కెరీర్లోనే కాకుండా, తెలుగు సినిమా పరిశ్రమలో కూడా ఒక విశేషమైన రికార్డు. సినిమా యొక్క స్టైలిష్ టేకింగ్, పవర్ఫుల్ డైలాగ్స్, మరియు సుజీత్ డైరెక్షన్కి తోడు థమన్ అందించిన సంగీతం ప్రేక్షకులను మంత్రముగ్ధులను చేసింది. మొత్తం మీద ‘OG’ సినిమా థియేటర్లలో బాక్స్ ఆఫీస్ రికార్డులను తిరగరాయగా, ఇప్పుడు OTTలో కూడా అదే సత్తా చాటేందుకు సిద్ధంగా ఉంది. అభిమానులు 23వ తేదీ కోసం ఆతృతగా ఎదురుచూస్తున్నారు.
Read hindi news: hindi.vaartha.com
Epaper : https://epaper.vaartha.com/