మాస్టర్ మహేంద్రన్ హీరోగా, రాకేష్ మాధవన్ తెరకెక్కించిన చిత్రం ‘నీలకంఠ’. యష్న ముతులూరి, నేహా పఠాన్ హీరోయిన్లుగా నటించగా.. స్నేహా ఉల్లాల్ కీలక పాత్రలో నటించారు. ఎం.మమత, ఎం.రాజరాజేశ్వరి సమర్పణలో మర్లపల్లి శ్రీనివాసులు, వేణుగోపాల్ నిర్మించిన ఈ సినిమా నూతన సంవత్సరం కానుకగా జనవరి 2 ప్రేక్షకుల ముందుకు వచ్చింది. చిన్న సినిమాగా వచ్చిన నీలకంఠ భారీ హిట్ అందుకుంది. మొదటి రోజే కోటి రూపాయల కలెక్షన్ అందుకుని.. రూరల్ బ్లాక్ బస్టర్గా నిలిచింది. సినిమా హిట్ అయిన సందర్భంగా శనివారం చిత్ర యూనిట్ సక్సెస్ మీట్ నిర్వహించింది. చిత్ర బృందం కేక్ కట్ చేసి సంబరాలు చేసుకున్నారు. ఈ సందర్భంగా హీరో, హెరాయిన్, డైరెక్టర్, నిర్మాతలు, ఎగ్జిక్యూటివ్ ప్రొడ్యూసర్, డీఓపీ, మ్యూజిక్ డైరెక్టర్ సహా తదితరులు తమ సంతోషాన్ని పంచుకున్నారు.
ఎగ్జిక్యూటివ్ ప్రొడ్యూసర్ అనిల్ మాట్లాడుతూ… ‘మీడియాకు ధన్యవాదాలు. మా సినిమా మొదటి నుంచి మీరు చాలా బాగా సపోర్ట్ చేశారు. నేను మాట్లాడే మాటలు దయచేసి ఎడిటింగ్లో తీసేయకండి. మా టీం అందరం చిన్న చిన్న షార్ట్ ఫిల్మ్స్ తీసుకుంటూ.. మెట్టు మెట్టు ఎక్కుతూ ఇక్కడి వరకు వచ్చాం. ఈ సినిమా కోసం 10 ఏళ్లు కష్టపడ్డాం. మా చిన్న చిన్న ఆనందాలు, సరదాలు కోల్పోతేనే నేను ఈరోజు ఇక్కడ మాట్లాడుతున్నా. ప్రతి ఒక్కరు మంచి ప్రొడ్యూసర్, బ్యానర్ దొరికితే హిట్ కొడదామనే అనుకుంటారు. కానీ మాకున్న చిన్న చిన్న సమస్యల వల్ల మంచి సినిమా మాత్రమే తీయగలుగుతాం. ఈ సినిమా మొదటిరోజు వన్ సీఆర్ వచ్చింది. టికెట్స్ ఎక్కువ తెగకపోయినా.. మాకొక టికెట్ అవుతుంది. ఈ సినిమాతో మాకు సత్తా ఉంది అని చూపించుకున్నాం. ఈ సినిమాను చాలా మందికి అందుబాటులోకి తీసుకెళ్లాము. మాకు ఇంకా థియేటర్స్ దొరికితే నీలకంఠ సినిమా ఇంకా బాగా ఆడుతుంది. మేము 100 శాతం ఇచ్చామని చెప్పట్లేదు కానీ .. ఈ సినిమా ఓ మంచి పుస్తకం లాంటిది. మాకు సరిగా థియేటర్స్ దొరకలేదు, డిస్టిబ్యూటర్స్ సప్పోర్ట్ చేయలేదు. ఈ సినిమాను మీరు తీసుకోవాలనుకుంటే.. మీకు నచ్చిన అమౌంట్ ఇవ్వండి. ఈ సినిమాతో కోట్లు సంపాదించాలన్నది మా టార్గెట్ కాదు.. నీలకంఠ అందరికీ చేరువవ్వాలి. మేము సినిమా మీద ప్యాషన్తో చేశాము. మేము 2-3 లక్షల జాబ్ వదిలేసి సినిమా కోసం కష్టపడ్డాం. మా డైరెక్టర్ మూడేళ్లు ఓ చిన్న రూంలో ఉండి కష్టపడ్డాడు. వెళ్లేంట్రా చిన్న సినిమా చేసి హంగామా చేస్తున్నారు అని కొందరు అనుకొని ఉండొచ్చు. మా తెలుసు ఆ కష్టం ఏంటో.. సినిమా రిలీజ్ అవ్వడమే మాకు పెద్ద సక్సెస్. ఈ టీంను గుర్తుచుకోండి. ఇండస్ట్రీలో మా పేర్లు మీకు మరలా మరలా వినిపిస్తాయి. స్టార్ సర్కిల్ మీడియాకు ధన్యవాదాలు. ఈ సినిమాకు ప్రమోషన్స్ పరంగా బాగా హెల్ప్ చేశారు’ అని అన్నారు.
నిర్మాత శ్రీనివాసులు కుమారుడు సాయి మాట్లాడుతూ… ‘సినిమా సక్సెస్ అయింది కాబట్టి ఈ సక్సెస్ మీట్ పెట్టాం. ఈ సినిమా సక్సెస్ మీట్ ఎందుకు పెట్టాం అంటే.. మా టీమ్ అందరికీ సపోర్ట్ చేయడానికి. మా హీరో, హీరోయిన్, డీఓపీ, మిసిసీ డైరెక్టర్.. ప్రతి ఒకరు సక్సెస్ అయ్యారు. మా నాన్న చెప్పినట్లు ఈ సినిమా విజయం ప్రతి ఒక్కరి కష్టం. ఆఫీస్ బాయ్ దగ్గరి నుంచి హీరో వరకు అందరూ ఎంత చేయాలో అంత చేశారు. బాక్సాఫీస్ వద్ద కోట్లు కోట్లు వచ్చాయని ఈ మీట్ పెట్టలేదు.. మూవీ విజయం సాధించింది, మేము సక్సెస్ అయ్యాం కాబట్టి పెట్టాం. అందరికీ కంగ్రాట్స్. ఇక యాంకర్ స్రవంతి గారికి నేను పెద్ద ఫ్యాన్. బిస్ బాస్ నుంచి మిమ్మల్ని ఫాలో అవుతున్నా. మీరంటే ఇష్టం. మీ యాంకరింగ్ చాలా బాగుంది’ అని అన్నాడు.
నిర్మాత శ్రీనివాసులు మాట్లాడుతూ… ‘మా సినిమాను ప్రమోట్ చేసిన మీడియాకు థాంక్స్. మా సినిమాను ఆదరించిన అందరికీ ధన్యవాదాలు. ప్రేక్షకులు సినిమా బాగుందని చెపుతున్నారు. మా యూనిట్ అంతా కింగ్ మేకర్స్. మా డైరెక్టర్ చాలా గ్రేట్ పర్సన్. అతడు తీసిన షార్ట్ ఫిల్మ్ చూసి అవకాశాలు ఇచ్చాం. ఈ సినిమాకు ఓ అవార్డు వచ్చింది. మేము అనుకున్న దానికంటే చాలా బాగా తీశాడు. మొదటి సినిమానే మెమరబుల్ చేశాడు. ఎగ్జిక్యూటివ్ ప్రొడ్యూసర్ వల్లే ఈ సినిమా చేశాం. అన్ని ముందుండి నడిపించాడు. మాది కంస్ట్రక్షన్ ఫీల్డ్. ఏమీ తెలియకున్నా అన్ని అనిల్ చూసుకున్నాడు. అతడిని తిట్టినా భరించాడు. ఎప్పుడూ కూడా మాపై కోపడలేదు. మ్యూజిక్ డైరెక్టర్ మేము అనుకున్న దానికి నాలుగింతలు చేశాడు. హీరో గారికి నేను పెద్ద ఫ్యాన్. ఆయన యాక్టింగ్ గురించి మనం చెప్పుకోవాల్సిన అవసరం లేదు. ఇంకా హీరోగా పెద్ద స్థాయికి వెళ్లాలి. మాతో మరో సినిమా చేయాలని కోరుకుంటున్నా. మా హీరోయిన్ బాగా చేసింది. ఆమె కట్టు, బొట్టు అద్భుతం. యశ్న చాలా బాగా చేశారు. ఇంత పెద్ద అవకాశం ఇచ్చిన అందరికి ధన్యవాదాలు. ఈ సినిమాను ఆదరించండి’ అని కోరుకున్నారు.
నిర్మాత వేణుగోపాల్ మాట్లాడుతూ… ‘సినిమా సక్సెస్ చేసిన మీడియాకు థాంక్స్. సినిమాను ఆదరించిన అందరికీ ధన్యవాదాలు. నేను బిజీ కారణంగా షూటింగ్ లొకేషన్లకు ఎక్కువగా వెళ్ళలేదు. అందరూ చాలా కష్టపడ్డారు. డీఓపీ, మ్యూజిక్ డైరెక్టర్ అద్భుతం. సినిమాకు ప్రాణం పోసింది మార్క్ ప్రశాంత్. మాహీ పక్కన సీత చక్కగా సెట్ అయింది. సినిమాను బుజాల మీద మోసిన మా డైరెక్టర్ రాకేష్ గారికి థాంక్స్. అన్ని తానై చూసుకున్న అనిల్ గారికి ప్రత్యేక ధన్యవాదాలు. సినిమాను అందరూ చూడండి’ అని అన్నారు.
RanveerSingh: డాన్ 3కు మరో షాక్.. రణ్వీర్ సింగ్ తప్పుకున్నారా?
హీరో మహేంద్రన్ మాట్లాడుతూ..
మొదటగా మీడియా మిత్రులకు నా హృదయపూర్వక ధన్యవాదాలు. ఈ సినిమా ప్రారంభం నుండి, అంటే మా ఇంటర్వ్యూల దగ్గర నుంచి, ప్రెస్ మీట్ల దగ్గర నుంచి మీరు మాకు ఎంతో సహకరిస్తూ వస్తున్నారు. ఈ రోజు ఈ సినిమా ఈ స్థాయికి వచ్చి, మేము ఇలా సక్సెస్ మీట్ జరుపుకుంటున్నామంటే దానికి మీ సపోర్ట్ కూడా ఒక ప్రధాన కారణం. ఇక మా నిర్మాతల గురించి చెప్పాలి.. ఇద్దరు నిర్మాతలు మమ్మల్ని ఎక్కడా ఇబ్బంది పడనీయకుండా ఇప్పటి వరకు చాలా బాగా చూసుకున్నారు. నిజంగా సినిమా ఇండస్ట్రీలో నిర్మాతల పని చాలా కష్టమైన పని. ఎంతో కష్టపడి సంపాదించిన డబ్బును పెట్టి, ఈ సినిమా చివరకు ఎలా వస్తుంది? రిజల్ట్ ఎలా ఉంటుంది? అని కూడా తెలియకుండా వారు పెట్టుబడి పెడతారు. ఆ బ్లైండ్ ట్రస్ట్ అనేది చాలా విలువైనది. నిజంగా చాలా చాలా థ్యాంక్స్ సార్. నేను ఎప్పుడూ ఒకటే చెబుతూ ఉంటాను.. నేను ఒక పెద్ద యాక్టర్ కావాలని అనుకోవడం కంటే, ఎప్పుడూ నిర్మాతలకు అనుకూలంగా ఉండే ఒక ప్రొడ్యూసర్స్ యాక్టర్ గా ఉండాలని కోరుకుంటాను. మీ నమ్మకాన్ని నిలబెట్టుకున్నందుకు చాలా సంతోషంగా ఉంది. ఎప్పుడు ఒక ఆర్టిస్ట్ వచ్చి ఒక సినిమాతో గెలవడు.. అలా నా లైఫ్లో నీలకంఠ ఇచ్చిన నిర్మాతలను ఎప్పుడు మర్చిపోను.
ఇక దర్శకుడు రాకేష్ .. తన కన్ఫిడెన్స్ అంటే నాకు చాలా చాలా ఇష్టం. షూటింగ్ స్పాట్లో ఏడ్చి ఏడ్చి నా దగ్గర షాట్స్ తీసుకునేవాడు. ఆడియోన్స్ థ్యాంక్యూ థాంక్యూ…మీరెచ్చిన 100 రూపాయిలకు చాలా చాలా థ్యాంక్స్. ప్రెస్ అండ్ మీడియా .. ఎక్కడ ఏం జరిగినా కానీ.. ఎక్కడో ఓ ములన జరిగిన హీరోను తీసుకువచ్చి జనాల ముందు నిలబెట్టే స్థానంలో మీరు ఉన్నారు. ఈ సినిమాను మీరు ఎంత ట్రై చేసి ఆడియోన్స్ వద్దకు తీసుకెళ్లి నిలబెడుతున్నారో నాకు చాలా బాగా తెలుసు. థ్యాంక్యు సో మచ్ ఫర్ థట్. మీరు లేకపోతే సినిమానే లేదు..అది చిన్న సినిమా అయినా , పెద్ద సినిమా అయినా. మీరు అంటే చాలా రెస్పెక్ట్..థ్యాంక్యూ సో మచ్.. ఆడియోన్స్ మీరు సినిమా చూడకపోతే..టైం చూసుకుని సినిమా చూడండి.. థ్యాంక్యూ.
యష్ణ ముత్తులూరి మాట్లాడుతూ… ‘ముందుగా నీలకంఠ సినిమాను ఇంత పెద్ద సక్సెస్ చేసిన ప్రేక్షకులకు నా హృదయపూర్వక కృతజ్ఞతలు. ఈ విజయం చూస్తుంటే చాలా సంతోషంగా ఉంది. ఈ రోజు మనం ఇక్కడ ఇలా సంబరాలు చేసుకుంటున్నామంటే దానికి కారణం మా టీమ్ పడ్డ కష్టమే. మా టీమ్ డెడికేషన్ చూసి నేను షాక్ అయ్యాను. సినిమా ప్రమోషన్స్ కోసం ప్రతి ఒక్కరూ ఎంతలా కష్టపడ్డారో నాకు తెలుసు. ఒక్కొక్కరికి ఫోన్ చేసి మరీ మా సినిమా చూడండి, ఇది ఒక మంచి టీమ్ చేసిన మంచి ప్రయత్నం అని వారు కోరడం నాకు బాగా నచ్చింది. ఇలాంటి ఒక వండర్ఫుల్ టీమ్తో పనిచేయడం వల్లే నాకు ఈ గుర్తింపు వచ్చిందని నేను నమ్ముతున్నాను. ప్రతి ప్రేక్షకుడు ఈ సినిమాను తమ సొంత సినిమాగా భావించి ఆదరిస్తుంటే చాలా గర్వంగా అనిపిస్తోంది. ప్రేక్షకులకు నేను ఒకటే చెప్పాలనుకుంటున్నాను.. మీరు మీ విలువైన సమయాన్ని మా కోసం కేటాయించి, కష్టపడి సంపాదించిన ఆ 100 రూపాయలను మా సినిమా టికెట్ కోసం ఖర్చు చేస్తున్నారంటే, దానికి మేము ఎంతో విలువ ఇస్తాము. మీ సపోర్ట్ వల్లే ఈ రోజు మేము ఈ స్టేజ్ మీద ఉన్నాము. హీరో మహేంద్రన్ గారితో నటించడం నా అదృష్టం. ఆయన ఎన్నో సినిమాలు చేశారు. అయినా మాతో చాలాబాగున్నారు. నేను ఈ సినిమాలో నిజంగానే చెంప దెబ్బ తిన్నా. మా నాన్న పృథ్వీ నన్ను కొట్టారు. 90 సాంగ్స్ నాకు చాలా ఇష్టం. ఈ సినిమాలో సాంగ్స్ అద్భుతం. సంక్రాంతి వరకు సినిమాను ప్రమోట్ చేస్తా. నిర్మాతలు మాకు బాగా మద్దతు ఇచ్చారు. మా డీఓపీ నన్ను బాగా చూపించారు. మ్యూజిక్ అద్భుతం. మాపై నమ్మకం ఉంచి మాతో జర్నీ చేశారు. మీడియా గురించి ప్రత్యేకంగా చెప్పాలి. ఎక్కడో ఒక మూలలో ఉన్న నటులను గుర్తించి, వారిని వెలుగులోకి తెచ్చి ప్రేక్షకుల ముందుకు తీసుకురావడంలో మీ పాత్ర వెలకట్టలేనిది. నిజం చెప్పాలంటే, మీడియా సపోర్ట్ లేకపోతే అది చిన్న సినిమా అయినా, పెద్ద సినిమా అయినా మనుగడ సాగించడం చాలా కష్టం. మా సినిమాను ప్రజల్లోకి తీసుకెళ్లినందుకు మీ అందరికీ పేరుపేరునా ధన్యవాదాలు తెలుపుకుంటున్నాను. ఇక చివరగా.. సినిమాను ఇంకా చూడని వారు ఎవరైనా ఉంటే, మీకు టైమ్ దొరికినప్పుడు తప్పకుండా థియేటర్లకు వెళ్లి చూడాలని కోరుకుంటున్నాను. మీ అందరి ప్రేమాభిమానాలకు ఎప్పటికీ రుణపడి ఉంటాను. థాంక్యూ సో మచ్.. లవ్ యూ ఆల్’ అన్ని అన్నారు.
