మెగాస్టార్ చిరంజీవి ప్రధాన పాత్రలో రూపొందుతున్న సోషియో ఫాంటసీ మూవీ ‘విశ్వంభర‘ సినిమాకు సంబంధించిన విశేషాలు ఒక్కొక్కటిగా బయటకు వస్తున్నాయి. ఈ చిత్రంలో విజువల్ ఎఫెక్ట్స్ (VFX) కీలకంగా ఉండడంతో, మేకర్స్ వాటిపై విపరీతంగా దృష్టిసారించారు. సినీ వర్గాల సమాచారం ప్రకారం, కేవలం వీఎఫ్ఎక్స్ పనుల కోసమే నిర్మాతలు రూ.75 కోట్లు వెచ్చిస్తున్నట్టు తెలుస్తోంది.
భారీ బడ్జెట్ను UV క్రియేషన్స్ సంస్థ ఖర్చు
ఈ భారీ బడ్జెట్ను UV క్రియేషన్స్ సంస్థ ఖర్చు చేస్తోంది. హాలీవుడ్ స్థాయి విజువల్ ఎఫెక్ట్స్ ఇవ్వాలని లక్ష్యంగా పెట్టుకొని, అంతర్జాతీయ స్థాయి వీఎఫ్ఎక్స్ స్టూడియోలతో పనిచేస్తున్నట్లు సమాచారం. ఇప్పటికే ఈ చిత్రానికి సంబంధించిన కొన్ని షూటింగ్ లొకేషన్లు, గ్రాఫిక్స్కి అవసరమైన ప్రీ-విజువలైజేషన్ పనులు పూర్తి చేసుకున్నట్టు తెలుస్తోంది.
‘బింబిసార’ ఫేం వశిష్ఠ దర్శకత్వం
ఈ సోషియో ఫాంటసీ చిత్రానికి ‘బింబిసార’ ఫేం వశిష్ఠ దర్శకత్వం వహిస్తున్నారు. చిరంజీవి గత సినిమాలకంటే ఇది పూర్తిగా విభిన్నంగా ఉంటుందని, కథాంశంలో ఉన్న మాయాజాలం, ఫాంటసీ అంశాలు సినిమాకు ప్రధాన ఆకర్షణగా నిలవనున్నాయని సమాచారం. ప్రస్తుతం నిర్మాణ పనులు శరవేగంగా జరుగుతున్న ఈ చిత్రం జులై నెలలో విడుదల కానుందని చిత్రబృందం భావిస్తోంది.