మెగాస్టార్ చిరంజీవి ప్రధాన పాత్రలో, పూర్తిస్థాయి కామెడీ మరియు ఫ్యామిలీ ఎమోషన్స్తో తెరకెక్కిన ‘మన శంకరవరప్రసాద్ గారు’ బాక్సాఫీస్ వద్ద తన ప్రభంజనాన్ని కొనసాగిస్తోంది. ఈ సినిమా విడుదలైన మొదటి రోజు నుంచే పాజిటివ్ టాక్ను సొంతం చేసుకోవడమే కాకుండా, వసూళ్ల పరంగా కూడా సరికొత్త రికార్డులను సృష్టిస్తోంది. చిరంజీవి తన వింటేజ్ కామెడీ టైమింగ్తో ప్రేక్షకులను మంత్రముగ్ధులను చేస్తున్న చిత్రం ‘మన శంకరవరప్రసాద్ గారు’. సంక్రాంతి కానుకగా విడుదలైన ఈ సినిమా, బాక్సాఫీస్ వద్ద కలెక్షన్ల వర్షం కురిపిస్తోంది. ప్రముఖ ట్రేడ్ అనలిస్ట్ సంస్థ సాక్నిల్క్ (Sacnilk) నివేదికల ప్రకారం, ఈ చిత్రం మంగళవారం కంటే బుధవారం ఎక్కువ వసూళ్లను సాధించడం విశేషం. సాధారణంగా వారాంతం తర్వాత వసూళ్లు తగ్గుముఖం పట్టడం సహజం, కానీ ఈ సినిమా విషయంలో వసూళ్లు పెరగడం మెగాస్టార్ మానియాకు నిదర్శనంగా నిలుస్తోంది. చిరంజీవి నటన, ఫ్యామిలీ డ్రామా ప్రేక్షకులను థియేటర్లకు పెద్ద ఎత్తున రప్పిస్తున్నాయి.
AP: రాష్ట్రానికి రూ.567 కోట్లు నిధులు విడుదల చేసిన కేంద్రం
వసూళ్ల గణాంకాలను పరిశీలిస్తే, సోమవారం ప్రపంచవ్యాప్తంగా ఘనంగా విడుదలైన ఈ మూవీ కేవలం మూడు రోజుల్లోనే ఇండియా వ్యాప్తంగా రూ. 79.60 కోట్ల నెట్ కలెక్షన్లను సాధించింది. ఇక ప్రపంచవ్యాప్తంగా గ్రాస్ కలెక్షన్ల విషయానికి వస్తే, మేకర్స్ అధికారికంగా ప్రకటించిన సమాచారం ప్రకారం ఇప్పటికే రూ. 120 కోట్లకు పైగా గ్రాస్ వసూళ్లను ఈ చిత్రం రాబట్టింది. ఓవర్సీస్ మార్కెట్లో కూడా చిరంజీవికి ఉన్న ఫాలోయింగ్ కారణంగా డాలర్ల వర్షం కురుస్తోంది. ఈ స్థాయి వసూళ్లు చూస్తుంటే, సినిమా బ్రేక్ ఈవెన్ సాధించి లాభాల బాట పట్టడం ఖాయంగా కనిపిస్తోంది.
ఈ సినిమా విజయానికి ప్రధాన కారణం అందులోని బలమైన కుటుంబ విలువలూ మరియు వినోదం. చిరంజీవి తన అసలు పేరుతోనే టైటిల్ ఉండటం వల్ల అభిమానుల్లో మొదటి నుంచీ ఒక రకమైన భావోద్వేగపూరితమైన ఆసక్తి నెలకొంది. తండ్రీకొడుకుల బంధం, గ్రామీణ నేపథ్యం మరియు మధ్యతరగతి మనుషుల జీవనశైలిని దర్శకుడు అద్భుతంగా ఆవిష్కరించారు. సంక్రాంతి సీజన్ కావడం, పెద్దల నుంచి పిల్లల వరకు అందరూ కలిసి చూడదగ్గ సినిమా కావడంతో ‘మన శంకరవరప్రసాద్ గారు’ బ్లాక్ బస్టర్ హిట్ దిశగా దూసుకుపోతోంది. లాంగ్ వీకెండ్ ముగిసే సమయానికి ఈ వసూళ్లు మరింత పెరిగే అవకాశం ఉందని ట్రేడ్ వర్గాలు విశ్లేషిస్తున్నాయి.
Read hindi news: hindi.vaartha.com
Epaper : epaper.vaartha.com