‘జిగ్రీస్’ సినిమా అసలు సిసలైన యువతరానికి దగ్గరైన కథ. కార్తిక్, ప్రవీన్, వినయ్, ప్రశాంత్ అనే నలుగురు బెస్ట్ ఫ్రెండ్స్ ఓ రాత్రి తాగిన మత్తులో తీసుకున్న ఒక స్పాంటేనియస్ డెసిషన్ — గోవా ట్రిప్ — ఈ చిత్రానికి ప్రధాన అండ. మారుతీ 800లోనే ప్రయాణించాలని నిర్ణయించుకోవడం కథకు పర్ఫెక్ట్గా సెటైరికల్ టోన్ సెట్ చేస్తుంది. మార్గమధ్యంలో కారు సమస్యలు, అప్పుడు వారి జీవితాల్లో ఓ ఆసక్తికర వ్యక్తి ప్రవేశించడం — ఇదంతా కథలో చిన్న చిన్న మలుపులు తీసుకొచ్చినా, అసలు సినిమా ఈ నలుగురి మధ్య ఉన్న బంధం, వారి ప్రయాణంలో కలిసిన అనుభవాలు, గోవా చేరే లోపు ఎదురైన సంఘటనలే. ఈ ట్రిప్ వారికి జీవితాన్ని మరింత లోతుగా అర్థమయ్యేలా, స్నేహం విలువను మరింత బలంగా పట్టుకునేలా చేస్తుంది.
Latest News: Jubilee Hills Result: 23 వేల ఆధిక్యంలో నవీన్ యాదవ్
నటీనటుల విషయానికి వస్తే, కృష్ణ బూరుగుల తన ఎనర్జీ, టైమింగ్తో మొత్తం సినిమాలోనూ ఆకట్టుకుంటాడు. రామ్ నితిన్ కూడా తన పాత్రకు న్యాయం చేశాడు. ధీరజ్ ఆత్రేయ నటన, ముఖ్యంగా అతని అమాయకపు కామెడీ సినిమాకు సహజమైన ఫన్ ఎలిమెంట్ తీసుకొచ్చింది. మనీ వాక్ పాత్ర మాత్రం సినిమాకు హార్ట్లాంటిది — ముఖ్యంగా చివరి భాగంలో ఎమోషన్ను మోసే సన్నివేశాల్లో అతని పాత్ర బలంగా నిలుస్తుంది. టెక్నికల్ వైపు చూస్తే సినిమాటోగ్రఫీ ఎంతో కలర్ఫుల్గా, యూత్ఫుల్ వైబ్కు తగ్గట్టుగా ఉంది. కమ్రాన్ సంగీతం ప్రయాణపు మూడ్ను బాగా ఎలివేట్ చేసింది. బడ్జెట్కు తగ్గట్టుగా ప్రొడక్షన్ వ్యాల్యూస్ కూడా బాగానే కనిపిస్తాయి.
సినిమా విశ్లేషణలోకి వెళ్తే .. ఇది కథ కంటే ఫీల్ను అమ్మే సినిమా. పెద్ద ట్విస్టులు లేకపోయినా, ‘మన గ్యాంగ్ కూడా ఇలాగే కదా!’ అనిపించేంత రియలిస్టిక్గా సాగుతుంది. ప్రతి ఎపిసోడ్లో కామెడీ పంచ్ పండించడం దర్శకుడి ప్లస్ పాయింట్. లారీ సీన్, నాటుకోడి ఎపిసోడ్, కాండోమ్ సీన్, దొంగల ఎపిసోడ్ — ఒక్కోటి ఒక్కో రకంగా నవ్వులు పూయిస్తాయి. మధ్య మధ్యలో కొంచెం నెమ్మదే అనిపించిన భాగాలు ఉన్నా, చివరి 15 నిమిషాల ఎమోషనల్ జోర్నీ మాత్రం సినిమాకు అసలైన బలం. ఫన్తో మొదలై భావోద్వేగాలతో ముగిసే ఈ కథ స్నేహం అనేది బాల్యం నుంచి పెద్దయ్యేవరకు మన జీవితంలో శాశ్వతంగా ఉండే బంధమని గుర్తు చేస్తుంది. మొత్తం మీద ‘జిగ్రీస్’ నవ్విస్తూ, హత్తుకుంటూ, మన ఫ్రెండ్షిప్ మెమరీస్కి మళ్లీ జీవం పోసే అందమైన సినిమా.
రేటింగ్: 3/5
Read hindi news: https://hindi.vaartha.com
Epaper : https://epaper.vaartha.com/