పవర్ స్టార్ పవన్ కళ్యాణ్ నటించిన పాన్ ఇండియా చిత్రం హరిహర వీరమల్లు (HHVM) బాక్సాఫీస్ వద్ద శరవేగంగా దూసుకెళ్తోంది. ఈ సినిమా విడుదలైన రెండు రోజుల్లో ప్రపంచవ్యాప్తంగా రూ.79.90 కోట్ల గ్రాస్ కలెక్షన్లు రాబట్టినట్లు సినీ వర్గాలు వెల్లడించాయి. ప్రీమియర్ షోస్ తో పాటు మొదటి రోజు రూ.70 కోట్లు వచ్చినట్లు సమాచారం. సినిమా విడుదలైన రోజు నుంచే అభిమానుల్లో భారీ స్పందన కనిపించింది.
రెండో రోజు భారీగా తగ్గుదల
ఈ నెల జూలై 24న విడుదలైన హరిహర వీరమల్లు సినిమాకు మిక్స్డ్ టాక్ వచ్చినప్పటికీ, ప్రేక్షకుల ఆసక్తిని నిలబెట్టుకుంది. రెండో రోజు మాత్రం మొదటి రోజుతో పోల్చితే కొద్దిగా తగ్గుదలతో రూ.9.90 కోట్ల గ్రాస్ కలెక్షన్లు వచ్చాయని ట్రేడ్ అనలిస్టులు వెల్లడిస్తున్నారు. విఎఫ్ఎక్స్, కథన శైలి పై అభిప్రాయభేదాలు ఉన్నప్పటికీ పవన్ కళ్యాణ్ మాస్ ఇమేజ్ కారణంగా ప్రేక్షకుల ఆకర్షణ కొనసాగుతోంది.
ఈ చిత్రానికి దర్శకుడిగా క్రిష్ జాగర్లమూడి పనిచేయగా, జ్యోతికృష్ణ కూడా దర్శకత్వ బాధ్యతలు పంచుకున్నారు. సినిమా నిర్మాణంలో భారీ వ్యయం జరిగినట్టు తెలుస్తోంది. విభిన్నమైన కథ, సాంఘిక అంశాల మిళితంతో హరిహర వీరమల్లు ప్రేక్షకులకు కొత్త అనుభూతిని ఇచ్చే ప్రయత్నం చేసింది. రాబోయే రోజుల్లో కలెక్షన్లు ఎటువైపు మొగ్గుతాయన్నది ఆసక్తిగా మారింది.
Read Also ; AP : పలు కమిటీలకు అధ్యక్షుల నియామకం చేపట్టిన ఏపీ సర్కార్