అక్కినేని కుటుంబంలో త్వరలో పెళ్లి సందడి కనిపించనుందా అన్న చర్చలు చిత్రసీమలో ఊపందుకున్నాయి. తాజాగా అక్కినేని అఖిల్ పెళ్లి (Akhil Wedding) తేదీ జూన్ 6గా ఖరారైనట్లు సమాచారం వెలువడుతోంది. అయితే ఈ విషయంపై అధికారికంగా ప్రకటన వెలువడాల్సి ఉంది. అభిమానులు, సినీ వర్గాలు మాత్రం ఈ వార్తపై ఆనందం వ్యక్తం చేస్తున్నారు.
నిశ్చితార్థం ఇప్పటికే ముగిసింది
గత ఏడాది నవంబర్ 26న అఖిల్కు ప్రముఖ వ్యాపారవేత్త జుల్ఫీ రహ్మాన్ కుమార్తె జైనబ్(Zulfi Rahman’s daughter Zainab)తో నిశ్చితార్థం జరిగింది. కుటుంబసభ్యులు, సన్నిహితులు సమక్షంలో జయపురిలో జరిగిన ఈ వేడుక గోప్యంగా జరిగింది. అప్పటి నుంచి వీరి పెళ్లిపై అనేక ఊహాగానాలు వినిపించినప్పటికీ, ఇప్పుడే పెళ్లి తేదీ స్పష్టత వస్తోందన్న మాట.
‘లెనిన్’ సినిమాతో బిజీ
ప్రస్తుతం అఖిల్, మురళీ కిశోర్ అబ్బూరు దర్శకత్వంలో రూపొందుతున్న లెనిన్ అనే సినిమాలో నటిస్తున్నారు. ఈ సినిమా షూటింగ్ చివరి దశలో ఉందని సమాచారం. పెళ్లికి ముందు సినిమా పనులు పూర్తిచేయాలన్న ఉద్దేశంతో అఖిల్ పూర్తి సమయాన్ని సినిమాకే కేటాయిస్తున్నట్లు తెలుస్తోంది. పెళ్లి అనంతరం సినిమాకు సంబంధించిన ప్రమోషన్లు జోరుగా సాగే అవకాశముంది.
Read Also : Abhilasham: ఓటీటీలోకి మలయాళం ‘అభిలాషం’