ఈరోజు టాలీవుడ్ సీనియర్ నటుడు, డైలాగ్ కింగ్ మోహన్ బాబు పుట్టినరోజు. 1952 మార్చి 19న జన్మించిన ఆయన 73వ వసంతంలోకి అడుగుపెట్టారు. ప్రస్తుతం మంచు వారి డ్రీమ్ ప్రాజెక్ట్ “కన్నప్ప” ప్రమోషన్స్‌లో బిజీగా ఉన్న ఆయన సినీ, రాజకీయ, విద్యా రంగాల్లో తనదైన ముద్ర వేశారు.
విలన్ పాత్రలతో టాప్
1975 నుంచి 1990 మధ్య కాలంలో మోహన్ బాబు విలన్‌గా భారతీయ సినిమాల్లో కొత్త నిర్వచనాన్ని తీసుకువచ్చారు. స్వర్గం నరకం (1975) ద్వారా హీరోగా తెరంగేట్రం చేసినప్పటికీ, విలన్ పాత్రలతో టాప్ ప్లేస్ దక్కించుకున్నారు. సింహాసనం, ప్రేచకుడు, ఖైదీ, ఆత్మబంధువు, గరుడ వేగ వంటి సినిమాల్లో ప్రతినాయకుడిగా ఆయన నటన ప్రేక్షకుల్లో చెరగని ముద్ర వేశారు.
భారీ విజయాలు
1990వ దశాబ్దంలో మోహన్ బాబు హీరోగా మారి ప్రేక్షకులను తనదైన శైలితో అలరించారు. అల్లుడు గారు, అసెంబ్లీ రౌడీ, పెదరాయుడు వంటి బ్లాక్‌బస్టర్ చిత్రాలు ఆయన స్థాయిని పెంచాయి. తెలుగు చిత్రాల్లో ఆయన నటించిన అనేక చిత్రాలు తరువాత హిందీ, తమిళ భాషల్లో రీమేక్ అయ్యాయి. అక్కడ కూడా భారీ విజయాలు న‌మోదు చేశాయి. తద్వారా ఆయన పేరు జాతీయ స్థాయిలో వినిపించింది.పెదరాయుడు విజయోత్సవాల్లో 200 రోజుల వేడుక తిరుపతిలో ఘనంగా నిర్వహించారు. ఈ చారిత్రక వేడుకకు మొత్తం రాష్ట్ర కేబినెట్, ముఖ్యమంత్రి హాజరయ్యారు. ఇది భారతీయ సినిమా చరిత్రలో అత్యంత అరుదైన ఘట్టంగా నిలిచింది. ఈ కార్యక్రమానికి దాదాపు 10 లక్షల మంది హాజరయ్యారు. ఇది మోహన్ బాబు క్రేజ్‌కు నిదర్శనం.
సినీ రంగం నుండి రాజకీయాల వరకు
ఇక ఆయన ప్రభావం సినిమాలపై మాత్రమే కాకుండా రాజకీయ రంగానికి విస్తరించింది. 1993లో ఆయన నిర్మించిన మేజర్ చంద్రకాంత్ చిత్రం,ఎన్‌టీఆర్‌ తిరిగి ముఖ్యమంత్రి పదవి చేపట్టడంలో కీలక పాత్ర పోషించింది. ఈ చిత్ర 100 రోజుల వేడుక తిరుపతిలో ఘనంగా నిర్వహించారు. ఈ సభ సినిమా, రాజకీయ చరిత్రలో ఒక గొప్ప ఘట్టంగా నిలిచిపోయింది.
విద్యా రంగంలో
సినిమా రంగంలో విశేష విజయాలను సాధించిన మోహన్ బాబు విద్యా రంగంలోనూ విశేషమైన సేవలను అందించారు. 1992లో స్థాపించిన శ్రీ విద్యానికేతన్ విద్యా ట్రస్ట్ ద్వారా వేలాది మంది విద్యార్థులకు నాణ్యమైన విద్యను అందిస్తున్నారు. మూడు దశాబ్దాలుగా 25 శాతం మంది పేద విద్యార్థులకు ఉచిత విద్యను అందిస్తూ వారి అభివృద్ధి అవకాశాలను సృష్టించారు. 2022లో ప్రారంభమైన మోహన్ బాబు విశ్వవిద్యాలయం విద్య పట్ల వారి అంకితభావానికి నిలువుటద్దంగా నిలిచింది.
పురస్కారాలు, గౌరవాలు
తన సుదీర్ఘ సినీ కెరీర్‌లో మోహన్ బాబు ఎన్నో గౌరవ పురస్కారాలు అందుకున్నారు.2007లో భారత ప్రభుత్వం పద్మశ్రీ అవార్డు ప్రదానం చేసింది.2016లో ఫిల్మ్‌ఫేర్ లైఫ్‌టైమ్ అచీవ్‌మెంట్ అవార్డు అందుకున్నారు.దాదాసాహెబ్ ఫాల్కే అవార్డుకు ప్రతిపాదన కూడా వచ్చిన సందర్భాలు ఉన్నాయి.
73వ పుట్టినరోజు
మోహన్ బాబు పుట్టినరోజు సందర్భంగా అభిమానులు, సినీ ప్రముఖులు శుభాకాంక్షలు తెలియజేస్తున్నారు. ఆయన “కన్నప్ప” సినిమాతో ప్రేక్షకులను మరోసారి మెప్పించేందుకు సిద్ధమవుతున్నారు.సినీ రంగంలో మహానటుడిగా, విద్యా రంగంలో మార్గదర్శిగా, రాజకీయాల్లో ప్రభావశాలిగా – మోహన్ బాబు జీవిత ప్రయాణం ఎంతో స్ఫూర్తిదాయకం.
సంపూర్ణేష్ బాబు – సోదరా మూవీ విశ్లేషణ సినిమా పరిశ్రమలో రాణించాలంటే కుటుంబ నేపథ్యం లేదా అద్భుతమైన టాలెంట్ ఉండాలి. కానీ బర్నింగ్ స్టార్ సంపూర్ణేష్ బాబు Read more
తెలుగు చలనచిత్రం ప్రపంచంలో కొత్త సంచలనాలు సృష్టించడానికి సిద్ధమైన ఆది సాయికుమార్‌ ప్రధాన పాత్రలో నటిస్తున్న చిత్రం శంబాల ఈ సినిమాలో ఆనంది హీరోయిన్‌గా నటిస్తున్నారు కాగా Read more
సెన్సేషనల్ కన్నడ దర్శకుడు ప్రశాంత్ నీల్ దర్శకత్వంలో రూపొందుతున్న చిత్రం బఘీర ఈ చిత్రంలో ప్రముఖ హీరో శ్రీ మురళీ ప్రధాన పాత్రలో నటిస్తున్నాడు ఈ సినిమాకు Read more
హీరోయిన్లు అందంగా కనిపించేందుకు విభిన్న రకాల క్రీములను వాడుతూ ఉంటారని మనకు తెలిసిన విషయమే. అయితే, కేవలం హీరోయిన్లు మాత్రమే కాకుండా, ఇప్పుడు సర్వసాధారణంగా చాలామంది మహిళలు Read more