Vishnu Vinyasa Movie: వైవిధ్యమైన కథలను ఎంచుకుంటూ టాలీవుడ్లో తనకంటూ ఒక ప్రత్యేక గుర్తింపు తెచ్చుకున్న హీరో శ్రీవిష్ణు. ఆయన నటించిన తాజా కామెడీ ఎంటర్టైనర్ ‘విష్ణు విన్యాసం’. ఈ చిత్రం రేపు ప్రపంచవ్యాప్తంగా థియేటర్లలో గ్రాండ్గా విడుదల కానుంది. ప్రచార చిత్రాలు ఇప్పటికే సినిమాపై భారీ అంచనాలను పెంచగా, తాజాగా జరిగిన ప్రీ-రిలీజ్ ఈవెంట్ ప్రేక్షకులను మరింతగా ఆకట్టుకుంది. ఈ కార్యక్రమంలో శ్రీవిష్ణు తన స్టైల్లో సరదా కామెంట్స్తో ఆకట్టుకున్నారు.
Read Also: Srinivasa Mangapuram Movie: వైరల్ అవుతున్న అజయ్ భూపతి పోస్ట్
చిత్ర యూనిట్పై ప్రశంసలు కురిపిస్తూ నిర్మాతలు పూర్తి స్వేచ్ఛ ఇచ్చారని, అందుకే సినిమా ఎంతో వినోదాత్మకంగా వచ్చిందని చెప్పారు. హీరోయిన్ నయన్ సారిక అద్భుతంగా నటించిందని, ఆమెకు ఈ సినిమా మంచి గుర్తింపు తెస్తుందని విశ్వాసం వ్యక్తం చేశారు. అలాగే దర్శకుడు మారుతీ రావు ఎంతో కూల్గా పనిచేసే వ్యక్తి అని పేర్కొన్నారు. ఫస్టాఫ్ యూత్కు, సెకండాఫ్ ఫ్యామిలీ ఆడియన్స్కు బాగా కనెక్ట్ అవుతుందని, చివరికి ప్రేక్షకులకు పూర్తి ఎంటర్టైన్మెంట్ అనుభూతి ఇస్తుందని శ్రీవిష్ణు నమ్మకం వ్యక్తం చేశారు.
“గ్రహస్థితి బాగోలేదన్నారు”.. శ్రీవిష్ణు మాస్ కామెడీ!
అయితే ప్రీ-రిలీజ్ ఈవెంట్లో శ్రీవిష్ణు చేతిలో కనిపించిన కోతి బొమ్మే ప్రధాన ఆకర్షణగా మారింది. కోతి బొమ్మను పట్టుకుని స్టేజ్పైకి రావడంతో అందరి దృష్టి ఆయనవైపు మళ్లింది. దాని గురించి ప్రశ్నించగా, “ఈ రోజు నా గ్రహస్థితి బాగోలేదని జ్యోతిష్యులు చెప్పారు. అందుకే ఓ కోతి పిల్ల పక్కన ఉంటే మంచిదన్నారు. నిజమైన కోతి అయితే కరుస్తుందేమో అనిపించి ఈ బొమ్మ తీసుకొచ్చాను” అంటూ నవ్వులు పూయించారు. తన సినిమాలో కూడా జాతకాలను నమ్మే వ్యక్తిగా నటిస్తున్నానని చెప్పారు.
Read hindi news: hindi.vaartha.com
Epaper: epaper.vaartha.com
Read Also: