India russia oil deal news : Donald Trump చేసిన వ్యాఖ్యలు మరోసారి అంతర్జాతీయ రాజకీయాల్లో చర్చకు దారి తీశాయి. భారత్ రష్యా నుంచి చమురు కొనుగోళ్లు నిలిపివేసి, అమెరికా నుంచి కొనుగోలు చేసేందుకు అంగీకరించిందని ట్రంప్ చేసిన ప్రకటనపై రష్యా (క్రెమ్లిన్) స్పందించింది. ఈ వ్యాఖ్యలు వాస్తవాలకు దూరమని స్పష్టం చేస్తూ, భారత్ తన ఇంధన అవసరాల కోసం ఎవరినుంచి చమురు కొనాలన్నది పూర్తిగా స్వతంత్ర నిర్ణయమని రష్యా తెలిపింది.
క్రెమ్లిన్ ప్రతినిధి డిమిత్రి పెస్కోవ్ మాట్లాడుతూ, భారత్ ఇతర దేశాల నుంచి కూడా చమురు దిగుమతి చేసుకోవడం కొత్త విషయం కాదని, దాన్ని రష్యాకు వ్యతిరేక చర్యగా చూడాల్సిన అవసరం లేదన్నారు. అలాగే, న్యూఢిల్లీ నుంచి రష్యా చమురు కొనుగోళ్లు నిలిపివేస్తున్నట్లు తమకు ఎలాంటి అధికారిక సమాచారం అందలేదని స్పష్టం చేశారు.
Read Also: ICC T20 ranking list : ఐసీసీ ర్యాంకింగ్స్ షాక్, ఇషాన్ కిషన్ 32 స్థానాలు జంప్!
ఇంధన రంగ నిపుణుల అభిప్రాయం ప్రకారం, ప్రస్తుతం భారత్ రోజుకు 15 నుంచి 20 లక్షల బ్యారెళ్ల వరకు రష్యా చమురును దిగుమతి చేసుకుంటోంది. ఈ స్థాయి సరఫరాను అమెరికా ఒక్కసారిగా భర్తీ చేయడం ఆచరణాత్మకంగా కష్టమేనని వారు చెబుతున్నారు. అమెరికా నుంచి వచ్చే తేలికపాటి చమురు, రష్యా ఇచ్చే యురల్స్ గ్రేడ్కు ప్రత్యామ్నాయం కాదని, భారతీయ రిఫైనరీలకు అది పూర్తిగా సరిపోదని విశ్లేషిస్తున్నారు.
ఉక్రెయిన్ యుద్ధానికి ముందు భారత చమురు దిగుమతుల్లో రష్యా వాటా చాలా తక్కువగా ఉండేదని, కానీ రాయితీ ధరల కారణంగా ఇప్పుడు భారత్ అతిపెద్ద కొనుగోలుదారుగా మారిందని నిపుణులు గుర్తు చేస్తున్నారు. ఒకవేళ రష్యా సరఫరా పూర్తిగా నిలిచితే, గ్లోబల్ మార్కెట్లో ముడిచమురు ధరలు బ్యారెల్కు 120 డాలర్ల వరకు చేరే ప్రమాదం ఉందని, దాని ప్రభావం అమెరికా ఇంధన ధరలపై కూడా పడుతుందని రష్యా హెచ్చరిస్తోంది.
Read hindi news: hindi.vaartha.com
Read Also Epaper : epaper.vaartha.com
Read Also:
