శ్రీకాకుళం(Srikakulam) జిల్లాలో విద్యా వ్యవస్థను షాక్కు గురిచేసే ఘటన వెలుగుచూసింది. పాఠాలు బోధించాల్సిన ఓ మహిళా టీచర్ విద్యార్థినులతో కాళ్లు నొక్కించుకున్న వీడియో సోషల్ మీడియాలో వైరల్గా మారింది. ఈ సంఘటన మెళియాపుట్టి మండలం బందపల్లి బాలికల గిరిజన ఆశ్రమ పాఠశాలలో చోటుచేసుకుంది.
Read Also: Latest News: Jobs: భారీగా పవర్గ్రిడ్లో ఉద్యోగాలు
వీడియోలో టీచర్ తరగతి గదిలో కుర్చీలో కూర్చొని ఫోన్లో మాట్లాడుతూ, విద్యార్థినులతో సేవలు చేయించుకుంటున్న దృశ్యాలు కనిపిస్తున్నాయి. ఈ దృశ్యాలు బయటకు రావడంతో తల్లిదండ్రులు తీవ్ర ఆగ్రహం వ్యక్తం చేస్తున్నారు. పిల్లలకు ఆదర్శంగా ఉండాల్సిన టీచర్ ఈ విధంగా ప్రవర్తించడం దారుణమని వారు మండిపడుతున్నారు.
స్థానిక సమాచారం ప్రకారం, ఈ ఘటన కొన్ని రోజుల క్రితమే జరిగిందని, కానీ వీడియో ఇటీవల బయటకు రావడంతో ఇప్పుడు బహిరంగమైందని చెబుతున్నారు. దీనిపై ఐటీడీఏ సీతంపేట ప్రాజెక్టు అధికారి పవార్ స్వప్నిల్ జగన్నాథ్ స్పందిస్తూ, ఆ టీచర్కు షోకాజ్ నోటీసు జారీ చేసినట్లు తెలిపారు. అదనంగా, ఈ ఘటనపై పూర్తి స్థాయి విచారణకు ఆదేశాలు జారీ చేసినట్లు పేర్కొన్నారు.
Read hindi news: hindi.vaartha.com
Epaper: epaper.vaartha.com/
Read Also:
