తెలంగాణ రాజకీయ వర్గాల్లో ప్రస్తుతం చర్చనీయాంశంగా మారింది నార్ల సుమంత్( Narla Sumanth) పేరు. నార్ల సుబ్రమణ్యం కుమారుడు అయిన సుమంత్, మంత్రి కొండా సురేఖకు “కేర్ ఆఫ్” వ్యక్తిగా పేరుపొందాడు. కాలుష్య నియంత్రణ బోర్డులో(Telangana Pollution Control Board) కాంట్రాక్ట్ ఉద్యోగిగా ప్రారంభమైన అతని ప్రయాణం, తర్వాత కొండా సురేఖ వద్ద ఓఎస్డీగా కొనసాగింది. ప్రతి సంవత్సరం డిప్యుటేషన్ పొడిగించుకుంటూ ఆమె వద్దే తిష్ట వేసుకున్నాడు. ఈ డిసెంబర్తో అతడి డిప్యుటేషన్ గడువు ముగియబోతోంది. కానీ ఈలోపు, డెక్కన్ సిమెంట్స్ ప్రతినిధులను తుపాకీతో బెదిరించాడన్న ఆరోపణలతో రాష్ట్ర ప్రభుత్వం అతడిని పదవి నుంచి తప్పించింది.
Read also: Mandideep: మధ్యప్రదేశ్లో రోడ్డు క్రుంగిపోయి కలకలం
వివాదాలు, కుటుంబ నేపథ్యం
సుమంత్పై(Narla Sumanth) వివాదాలు కొత్తవి కావు. అటవీ శాఖలో బదిలీలు, ప్రమోషన్లకు లంచాలు తీసుకోవడం, బెదిరింపులకు పాల్పడడం వంటి ఆరోపణలు గతంలోనూ వినిపించాయి. వరంగల్ తూర్పు నియోజకవర్గంలోని రౌడీషీటర్ నవీన్ రాజ్తో కలసి దందాలు చేస్తాడని ప్రచారం ఉంది. కొండా దంపతుల కూతురు సుస్మిత పటేల్కి సుమంత్ క్లాస్మేట్ కావడంతో, ఆ పరిచయం కుటుంబ సాన్నిహిత్యంగా మారింది. సుమంత్ గృహప్రవేశానికి సుస్మిత లండన్ నుంచి రావడం ఆ స్నేహాన్ని స్పష్టంగా చూపిస్తుంది.
అతడి కుటుంబం కూడా వివాదాస్పదమే. సుమంత్ తండ్రి సుబ్రమణ్యం విద్యుత్ శాఖలో అవినీతి ఆరోపణలతో తొలగించబడ్డారు. సోదరుడు మహంత్పై హత్య కేసు ఆరోపణలున్నాయి. ఆస్ట్రేలియాలో అతడి భార్య రమ్యకృష్ణ అనుమానాస్పద పరిస్థితుల్లో మరణించగా, కుటుంబం దీనిపై తీవ్ర ఆరోపణలు చేసింది. సుమంత్ భార్య మనీషా కూడా అతడి వివాహేతర సంబంధాలతో విసిగి ఆత్మహత్యాయత్నం చేసింది.
విలాస జీవితం, రాజకీయ అనుబంధం
ఇన్ని ఆరోపణల మధ్యా సుమంత్(Narla Sumanth) విలాసాల జీవితాన్ని కొనసాగిస్తున్నాడు. కొంపల్లిలో విలాసవంతమైన ఇల్లు, ఆడి కారు, హన్మకొండ జిల్లాలో కోట్ల విలువైన విల్లాలు, అలాగే లండన్లో సుస్మిత నివసించే ప్రాంతంలో కొనుగోలు చేసిన కొత్త ఇల్లు—అన్నీ అతని విలాసవంతమైన జీవనశైలిని ప్రతిబింబిస్తున్నాయి. అతడి తల్లి సుగుణాదేవిని వరంగల్ భద్రకాళీ ఆలయ బోర్డులో సభ్యురాలిగా నియమించుకోవడంలో కూడా సుమంత్ పాత్ర ఉందని చెబుతున్నారు. ఈ నేపథ్యంతో కొండా కుటుంబంతో అతడి సంబంధం రాజకీయంగానూ ప్రశ్నార్థకంగా మారింది.
Read hindi news: hindi.vaartha.com
Epaper: epaper.vaartha.com/
Read Also:
