సాధారణంగా గ్రామ అభివృద్ధి కోసం కమిటీలు కొన్ని నిబంధనలు పెడుతుంటాయి. చైనా(China)లోని యునాన్ ప్రావిన్స్కు చెందిన ఓ చిన్న గ్రామం వింతైన, కఠినమైన రూల్స్ పెట్టుకుని వార్తల్లో నిలిచింది. చైనాలోని లింకాంగ్ అనే గ్రామంలో ఏకంగా ప్రజల వ్యక్తిగత జీవితాలపై ఆంక్షలు విధిస్తూ నోటీసు జారీ చేసింది. “గ్రామ నియమాలు: అందరూ సమానమే” పేరుతో వెలువడిన ఈ నిబంధనల జాబితా నెటిజన్లను విస్మయానికి గురిచేస్తోంది. జరిమానాల చిట్టా ఇదే.. సౌత్ చైనా మార్నింగ్ పోస్ట్ నివేదిక ప్రకారం, ఈ గ్రామంలో ఎవరైనా నిబంధనలు అతిక్రమిస్తే కింది విధంగా జరిమానాలు చెల్లించాల్సి ఉంటుంది. *సహజీవనం: పెళ్లి చేసుకోకుండా కలిసి నివసించే జంటలకు ఏడాదికి 500 యువాన్లు (సుమారు రూ. 5,800) జరిమానా. *ముందస్తు గర్భం: వివాహానికి ముందే గర్భిణీ అయితే 3,000 యువాన్లు (సుమారు రూ. 35,000) చెల్లించాలి.
Read Also: Zelensky peace plan : 60 రోజుల కాల్పుల విరమణైతే చాలు,శాంతికి రెడీ…
భార్యాభర్తలు గొడవలు పడితే..
*తొందరగా బిడ్డ పుడితే: పెళ్లయిన 10 నెలల లోపే బిడ్డ పుడితే, ఆ తల్లిదండ్రులు 3,000 యువాన్ల జరిమానా కట్టాలి. *ఇతర రాష్ట్రం వాళ్లను పెళ్లి చేసుకుంటే: యునాన్ ప్రావిన్స్ కాకుండా ఇతర ప్రావిన్ల్ వాళ్లను పెళ్లి చేసుకుంటే 1,500 యువాన్ల జరిమానా కట్టాల్సి ఉంటుంది. *భార్యాభర్తలు గొడవలు పడితే: భార్యాభర్తలు గొడవపడి, ఆ సమస్య పరిష్కారానికి గ్రామ అధికారులను పిలిస్తే, ఒక్కొక్కరు 500 యువాన్లు చెల్లించాలి. ప్రభుత్వం స్పందన ఈ వింత నిబంధనల ఫోటోలు సోషల్ మీడియాలో వైరల్ కావడంతో చైనా ప్రభుత్వంపై విమర్శలు వెల్లువెత్తాయి.
Read hindi news: hindi.vaartha.com
Epaper : epaper.vaartha.com
Read Also: