ఇంటర్నేషనల్ మెన్స్ డే(International Men’s Day) 2025 పురుషులు మరియు యువకుల పాత్రను గౌరవించే ప్రత్యేక రోజు. మగవారి శారీరక ఆరోగ్యం, భావోద్వేగ అవసరాలు, మానసిక ఆరోగ్యంపై అవగాహన పెంచడమే ఈ దినోత్సవ ప్రధాన ఉద్దేశ్యం. సమాజంలో సమానత్వం, పరస్పర గౌరవం పెంపొందడానికి ఈ రోజు ఎంతో అవసరం.
ప్రపంచ జనాభాలో పిల్లలు, యువకులు, పెద్దలు ఇలా వివిధ వయసులలో పురుషుల సంఖ్య అధికంగా ఉన్నప్పటికీ, వారికోసం ప్రత్యేకమైన రోజు ఉండాలనే ఆలోచనతోనే ‘ఇంటర్నేషనల్ మెన్స్ డే’ పుట్టుకొచ్చింది. ప్రతి సంవత్సరం నవంబర్ 19న జరుపుకునే ఈ వేడుక, పురుషులు కుటుంబం మరియు సమాజం కోసం చేసే సేవలు, బాధ్యతలు, త్యాగాలను గుర్తుచేసే అవకాశాన్ని ఇస్తుంది.
Read also : Sabarimala: పోటెత్తిన అయ్యప్ప భక్తులు..అవస్థలు పడ్తున్న వైనం
ఈ రోజున ప్రభుత్వ సెలవులు లేకపోయినా, దీని వెనుక ఉన్న సందేశం ఎంతో విలువైంది. పురుషులు రోజూ ఎదుర్కొనే ఒత్తిడులు, మానసిక సమస్యలు, సామాజిక అంచనాలు వంటి అంశాలపై ప్రపంచవ్యాప్తంగా చర్చలు జరుగుతాయి. మగవారి ఆరోగ్యంపై అవగాహన కార్యక్రమాలు, మానసిక ఆరోగ్య వర్క్షాప్లు, లింగ సమానత్వంపై ప్రచారాలు కూడా ఈ రోజు నిర్వహించే ముఖ్య కార్యక్రమాలు.
“భావాలు బయటపెట్టరు”, “ఎప్పుడూ బలంగా ఉండాలి”
“మగవారు కఠినస్వభావులు”, “భావాలు బయటపెట్టరు”, “ఎప్పుడూ బలంగా ఉండాలి” వంటి సాంప్రదాయ అభిప్రాయాలను మార్చడమే ఈ దినోత్సవ ప్రధాన లక్ష్యాలలో ఒకటి. పురుషుల సానుకూల లక్షణాలు, సమాజానికి వారు అందిస్తున్న సేవలను ప్రపంచం ముందు నిలపడం ఈ వేడుక యొక్క మరో ముఖ్య ఉద్దేశ్యం. అంతర్జాతీయ పురుషుల దినోత్సవానికి ఐక్యరాజ్యసమితి మద్దతు ఇస్తోంది. యునెస్కోతో పాటు అనేక దేశాలు, స్వచ్ఛంద సంస్థలు అధికారికంగా కార్యక్రమాలు నిర్వహిస్తూ ఈ దినోత్సవాన్ని ప్రోత్సహిస్తున్నాయి. సమాజంలో పురుషుల పాత్రను గుర్తించి గౌరవించే ప్రపంచవేదికగా మెన్స్ డే నిలుస్తోంది.
నవంబర్ 19న జరుపుకునే ఈ దినోత్సవం 2025లో కూడా ప్రపంచవ్యాప్తంగా ప్రత్యేక కార్యక్రమాలతో నిర్వహించబడనుంది. ప్రతి సంవత్సరం లాగానే 2025లో కూడా నవంబర్ 19నే మెన్స్ డే జరుపుకుంటారు.
Read hindi news : hindi.vaartha.com
Epaper : epapervaartha.com
Read also :
