ఇండియన్ రైల్వే(Indian Railways) మహిళా ప్రయాణికులు, వృద్ధుల కోసం ఒక కీలక నిర్ణయాన్ని ప్రకటించింది. ఇకపై 45 సంవత్సరాల పైబడిన మహిళలు, వృద్ధులు రైలు టికెట్ బుక్ చేసే సమయంలో లోయర్ బెర్త్ను ప్రత్యేకంగా ఎంచుకోకపోయినా, వ్యవస్థ వారికే ఆటోమేటిక్గా లోయర్ బెర్త్ కేటాయిస్తుంది. ఇప్పటి వరకు ప్రయాణికులు లోయర్ బెర్త్ అవసరమైతే ప్రత్యేకంగా ఆప్షన్ ఎంచుకోవాల్సిఉండేది. కానీ కొత్త విధానంతో ఈ వయస్సు పైబడిన మహిళలు, వృద్ధులు ఇకపై అప్పర్ బెర్త్ ఎక్కాలనే సమస్య నుండి పూర్తిగా బయటపడతారు.
Read also: Goa Fire Accident : గోవా అగ్నిప్రమాదం.. పరిహారం ప్రకటించిన సీఎం
ముఖ్యంగా అప్పర్ బెర్త్ ఎక్కడానికి ఇబ్బందిపడే మహిళలు, పెద్దవారి సమస్యలను పరిష్కరించేందుకు రైల్వే ఈ నిర్ణయం తీసుకున్నట్లు కేంద్ర రైల్వే మంత్రి అశ్విని వైష్ణవ్(Ashwini Vaishnaw) రాజ్యసభలో వెల్లడించారు.
విభిన్న కోచ్లలో బెర్త్ రిజర్వేషన్ వివరాలు
రైల్వే(Indian Railways) ప్రత్యేకంగా దివ్యాంగులు మరియు వారి సహాయకుల కోసం కూడా బెర్త్ కేటాయింపులను మెరుగుపరిచింది.
కొత్త విధానంలో బెర్త్ రిజర్వేషన్ ఇలా ఉండనుంది:
- స్లీపర్ కోచ్లు: మహిళలు, వృద్ధులు, దివ్యాంగులకు 6–7 లోయర్ బెర్త్లు
- 3AC కోచ్లు: 4–5 లోయర్ బెర్త్లు
- 2AC కోచ్లు: 3–4 లోయర్ బెర్త్లు
ఈ సదుపాయం గర్భిణీ స్త్రీలకు కూడా వర్తిస్తుంది. అదే విధంగా, రాజధాని, శతాబ్దీ, ఎక్స్ప్రెస్, మెయిల్–ఎక్స్ప్రెస్–అన్ని రైళ్లలో ఈ లోయర్ బెర్త్ ఆటో అలాట్ నియమం అమల్లోకి రానుంది.
ప్రయాణికుల కోసం రైల్వే తీసుకున్న సౌలభ్య చర్యలు
మహిళలు, వృద్ధులు, దివ్యాంగులకు సముచిత భద్రత, సౌకర్యం కల్పించేందుకు రైల్వే బుకింగ్ సిస్టమ్ను అప్గ్రేడ్ చేసింది.
ఈ కొత్త విధానం వల్ల:
- లోయర్ బెర్త్ కోసం ఎప్పటికప్పుడు రిక్వెస్టులు చేయాల్సిన అవసరం ఉండదు
- వయోపరంగా మరియు శారీరకంగా ఇబ్బందులు ఉన్నవారికి హాయిగా ప్రయాణించే అవకాశం
- బుకింగ్ సమయంలో భ్రమలు, పొరపాట్లు తగ్గి ప్రయాణం సులభతరం అవుతుంది
రైల్వే ఈ మార్పులు ప్రయాణికుల భద్రత, సౌకర్యం కోసం తీసుకున్న కీలక నిర్ణయాలుగా పేర్కొంది.
కొత్త లోయర్ బెర్త్ సదుపాయం ఎవరికి వర్తిస్తుంది?
45 సంవత్సరాల పైబడిన మహిళలు, వృద్ధులు, దివ్యాంగులు, గర్భిణీ స్త్రీలకు వర్తిస్తుంది.
బుకింగ్ సమయంలో లోయర్ బెర్త్ ఆప్షన్ ఎంచుకోవాల్సిన అవసరమా?
లేదు. ఇప్పుడు ఆటోమేటిగ్గా కేటాయిస్తారు.
Read hindi news: hindi.vaartha.com
Epaper : epaper.vaartha.com
read also: