ఇరాన్ యుద్ధం భారత లిక్విఫైడ్ పెట్రోలియం గ్యాస్ (ఎల్పీజీ) (LPG) మార్కెట్పై ఇప్పటికే ప్రభావం చూపించింది.ఇక ఇప్పుడు ఇంధన అవసరాల్లో మరో ముఖ్యమైనది కూడా దీని వల్ల ప్రభావితమయ్యే అవకాశం కనిపిస్తోంది.అదే దేశవ్యాప్తంగా శరవేగంగా విస్తరిస్తున్న సహజ వాయువు (పీఎన్జీ) పైప్లైన్ నెట్వర్క్. ఇళ్లకు, వ్యాపారాలకు పైప్లైన్ల ద్వారా గ్యాస్ సరఫరా చేసే నెట్వర్క్ ఇది.ఈ సహజ వాయువుకు ఎరువులు తయారు చేసే ప్లాంట్లు, పరిశ్రమలు, గ్యాస్ ఆధారిత విద్యుత్ ప్లాంట్లు… ఇళ్లకు పీఎన్జీని, వాహనాలకు సీఎన్జీని (కంప్రెస్డ్ నేచురల్ గ్యాస్ను) సరఫరా చేసే నగర గ్యాస్ నెట్వర్క్ల నుంచి డిమాండ్ ఎక్కువగా వస్తోంది.ఇళ్లకు సిటీ గ్యాస్ సరఫరా అత్యంత వేగంగా పెరుగుతోంది. పట్టణంలో నెట్వర్క్ల విస్తరణతో ఇది క్రమంగా వృద్ధి చెందుతోంది. ఈ ప్రయత్నాల ప్రభావం క్షేత్రస్థాయిలోనూ కనిపిస్తోంది.భారత్లో ప్రస్తుతం 1.5 కోట్లకు పైగా పీఎన్జీ కనెక్షన్లు ఉన్నాయి.
Read Also: Iran-Israel War : ఇజ్రాయెల్ పై దాడులు మరింత తీవ్రం చేసిన ఇరాన్
భారత్లో వంటగ్యాస్ సరఫరాపై ఇరాన్ యుద్ధం తీవ్ర ఒత్తిడి
వంటకు సిలిండర్లు కాకుండా పైప్లలోంచి సరఫరా అయ్యే గ్యాస్ను వాడాలని ప్రభుత్వం ప్రోత్సహిస్తుండటంతో.. ఈ సంఖ్య మరింత పెరుగుతుంది. భారత్లో వంటగ్యాస్ సరఫరాపై ఇరాన్ యుద్ధం తీవ్ర ఒత్తిడిని పెంచింది.ఇదే సమయంలో.. సీఎన్జీ వాహనాలకు గ్యాస్ డిమాండ్ కూడా క్రమంగా పెరిగింది. వాహనాలకు పెట్రోల్ తర్వాత భారత్లో అత్యంత ఎక్కువ మంది వాడే ఇంధనం సీఎన్జీ. ఎల్పీజీని తీసుకొచ్చే ట్యాంకర్లు హార్ముజ్ జలసంధి మీదుగా రావడంలో ఇబ్బందులు ఎదుర్కొంటే, పైప్లైన్ల ద్వారా తమ వంటగదులకు సరఫరా అయ్యే గ్యాస్ కూడా ప్రభావితం చెందుతుందా అనే ప్రశ్న అనేక పట్టణ కుటుంబాల్లో తలెత్తుతోంది.భారత పీఎన్జీ గ్యాస్ సరఫరాలో సగం వరకు రిలయన్స్, ఓఎన్జీసీ వంటి కంపెనీలు తీర ప్రాంతాలు, లోతైన సముద్ర గర్భాల నుంచి వెలికితీసే దేశీయ వనరుల నుంచే వస్తోంది.
Read Also hindi news: hindi.vaartha.com
Read Also Epaper : epaper.vaartha.com
Read Also :
