AP Govt: ఆంధ్రప్రదేశ్లోని పశుపోషకులు, చిన్న తరహా డైరీ రైతులకు కూటమి ప్రభుత్వం తీపి కబురు అందించింది. పట్టణ ప్రాంతాల్లో పశువుల పెంపకాన్ని ప్రోత్సహించేందుకు మరియు రైతులపై ఆర్థిక భారాన్ని తగ్గించేందుకు కీలక నిర్ణయం తీసుకుంది. డైరీ, గొర్రెలు, మేకలు మరియు పందుల పెంపకందారులు చెల్లించాల్సిన బెటర్మెంట్ (Betterment) మరియు డెవలప్మెంట్ (Development) ఛార్జీలను ప్రభుత్వం పూర్తిగా రద్దు చేసింది.
Read also: Chandrababu Naidu: ఒంటిమిట్ట సీతారాముల కల్యాణానికి సీఎం
మున్సిపల్ శాఖ కీలక ఉత్తర్వులు
ముఖ్యమంత్రి నారా చంద్రబాబు నాయుడు ఎన్నికల సమయంలో ఇచ్చిన హామీ మేరకు, మున్సిపల్ పరిపాలన మరియు పట్టణాభివృద్ధి శాఖ ఈ మేరకు అధికారిక జీవో (GO) జారీ చేసింది. మున్సిపాలిటీలు, కార్పొరేషన్ల పరిధిలో పశువుల షెడ్ల నిర్మాణానికి అయ్యే ఖర్చును తగ్గించడమే ఈ నిర్ణయం వెనుక ఉన్న ప్రధాన ఉద్దేశ్యం.
ముఖ్యమైన మార్పులు ఇవే
- ఛార్జీల మినహాయింపు: ఇప్పటివరకు పశువుల షెడ్ల నిర్మాణానికి వసూలు చేస్తున్న డెవలప్మెంట్, బెటర్మెంట్ ఛార్జీలను ఇకపై వసూలు చేయరు.
- పంచాయతీలతో సమానంగా ఫీజులు: మున్సిపాలిటీల పరిధిలో బిల్డింగ్ పర్మిషన్ మరియు లైసెన్స్ ఫీజులను భారీగా తగ్గించారు. గ్రామ పంచాయతీల్లో ఎంతైతే నామమాత్రపు ఫీజు ఉంటుందో, పట్టణ ప్రాంతాల్లో కూడా అదే ఫీజును వర్తింపజేయనున్నారు.
- పశుపోషణకు ప్రోత్సాహం: పట్టణీకరణ వల్ల నగర శివార్లలో కలిసిన గ్రామాల్లో పశుపోషణ భారంగా మారిన రైతులకు ఈ నిర్ణయం పెద్ద ఊరటనివ్వనుంది.
రైతులకు కలిగే ప్రయోజనం
సాధారణంగా మున్సిపల్ పరిధిలో ఏ చిన్న నిర్మాణం చేపట్టినా డెవలప్మెంట్ ఛార్జీల రూపంలో వేల రూపాయలు ఖర్చవుతాయి. ముఖ్యంగా గొర్రెలు, మేకల పెంపకందారులు షెడ్ల కోసం అనుమతులు తీసుకోవడం కష్టంగా ఉండేది. ప్రభుత్వ తాజా నిర్ణయంతో లైసెన్స్ ప్రక్రియ సులభతరం కావడమే కాకుండా, వేల రూపాయల ఆదా అవుతుంది.
Read Also hindi news: hindi.vaartha.com
Epaper : epaper.vaartha.com
Read Also :