RRB Jobs: రైల్వే రిక్రూట్మెంట్ బోర్డు (RRB) దేశవ్యాప్తంగా వివిధ రైల్వే జోన్లలో ఖాళీగా ఉన్న టెక్నీషియన్ గ్రేడ్-1 మరియు గ్రేడ్-3 పోస్టుల భర్తీకి సంబంధించి కీలక అప్డేట్ ఇచ్చింది. మార్చి 6వ తేదీ నుంచి ప్రారంభం కానున్న కంప్యూటర్ ఆధారిత పరీక్ష (CBT-1) కోసం అడ్మిట్ కార్డులను అధికారికంగా విడుదల చేసింది. ఇప్పటికే సిటీ ఇంటిమేషన్ స్లిప్పులను పొందిన అభ్యర్థులు, ఇప్పుడు తమ పూర్తి స్థాయి హాల్ టికెట్లను డౌన్లోడ్ చేసుకోవచ్చు.
Read Also: APRS CAT 2026: ఏపీ గురుకుల ప్రవేశాల నోటిఫికేషన్ విడుదల
రైల్వే బోర్డు నిబంధనల ప్రకారం, పరీక్ష ప్రారంభ తేదీకి సరిగ్గా నాలుగు రోజుల ముందు నుంచి అడ్మిట్ కార్డులు వెబ్సైట్లో అందుబాటులో ఉంటాయి. అభ్యర్థులు తమ రిజిస్ట్రేషన్ నంబర్ మరియు పాస్వర్డ్ వివరాలను నమోదు చేసి లాగిన్ అవ్వడం ద్వారా వీటిని పొందవచ్చు. ఈ పరీక్షలు మార్చి 6, 9, 10 మరియు 13 తేదీల్లో దేశవ్యాప్తంగా ఉన్న వివిధ కేంద్రాల్లో రోజుకు మూడు షిఫ్టుల చొప్పున నిర్వహించనున్నారు.
గమనించదగ్గ విషయం ఏమిటంటే, ఆర్ఆర్బీ ఇటీవల ఈ పరీక్షా తేదీలను స్వల్పంగా సవరించింది. తొలుత జనవరిలో ప్రకటించిన షెడ్యూల్ ప్రకారం మార్చి 5 నుంచి 9 వరకు జరగాల్సిన పరీక్షలు, ఇప్పుడు ఒక రోజు ఆలస్యంగా అంటే మార్చి 6 నుంచి ప్రారంభం కానున్నాయి. మొత్తం 6,238 పోస్టుల భర్తీ లక్ష్యంగా సాగుతున్న ఈ ప్రక్రియలో, ఆన్లైన్ రాత పరీక్షతో పాటు వైద్య పరీక్షల (Medical Exams) ఫలితాల ఆధారంగా అభ్యర్థుల తుది ఎంపిక ఉంటుంది.
Read hindi news: hindi.vaartha.com
Epaper: epaper.vaartha.com
Read Also: