ఇండియన్ ఆర్మీ(Army Recruitment) 67వ షార్ట్ సర్వీస్ కమిషన్ (టెక్నికల్) కోర్సు యువ ఇంజినీర్లకు సైన్యంలో అధికారులుగా సేవలందించే గొప్ప అవకాశాన్ని కల్పిస్తోంది. ఈ కోర్సు ద్వారా ఎంపికైన అభ్యర్థులు దేశ రక్షణలో కీలక పాత్ర పోషించడమే కాకుండా, గౌరవప్రదమైన కెరీర్ను నిర్మించుకునే అవకాశం పొందుతారు.
Read also: CUET UG 2026: సీయూఈటీ యూజీ నోటిఫికేషన్ రిలీజ్
ఈ నియామకాలు టెక్నికల్(Army Recruitment) విభాగాలకు చెందినవిగా ఉండటంతో, సివిల్, మెకానికల్, ఎలక్ట్రికల్, ఎలక్ట్రానిక్స్, కంప్యూటర్ సైన్స్ వంటి వివిధ ఇంజినీరింగ్ బ్రాంచ్లకు చెందిన అభ్యర్థులు అప్లై చేసుకోవచ్చు. ఫైనల్ ఇయర్లో ఉన్న విద్యార్థులు కూడా అర్హత నిబంధనల మేరకు దరఖాస్తు చేసుకునే అవకాశం ఉంది. ఎంపిక ప్రక్రియ పూర్తిగా మెరిట్ ఆధారంగా ఉంటుంది. SSB ఇంటర్వ్యూలో వ్యక్తిత్వం, నాయకత్వ లక్షణాలు, మానసిక సామర్థ్యం, శారీరక దృఢత్వాన్ని పరీక్షిస్తారు. మెడికల్ పరీక్షల్లో ఉత్తీర్ణత సాధించిన వారినే తుది జాబితాలో చేర్చుతారు.
శిక్షణ కాలంలో నెలకు రూ.56,100 స్టైపెండ్తో పాటు, ఇతర అలవెన్సులు కూడా వర్తిస్తాయి. శిక్షణ విజయవంతంగా పూర్తిచేసిన అభ్యర్థులు లెఫ్టినెంట్ హోదాతో ఇండియన్ ఆర్మీలో నియమితులవుతారు. షార్ట్ సర్వీస్ కమిషన్ ద్వారా తొలుత నిర్ణీత కాలానికి సేవలందించవచ్చు, ఆ తర్వాత శాశ్వత కమిషన్కు కూడా అవకాశం ఉంటుంది. దేశానికి సేవ చేయాలనే తపనతో పాటు, స్థిరమైన భవిష్యత్ కోరుకునే యువతకు ఈ ఆర్మీ నోటిఫికేషన్ ఒక అరుదైన అవకాశంగా నిపుణులు అభిప్రాయపడుతున్నారు.
Read hindi news:hindi.vaartha.com
Epaper: epaper.vaartha.com
Read also:
