HPCL Jobs: 739 ఆఫీసర్ పోస్టులు – మార్చి 25 వరకు దరఖాస్తుల

HPCL Jobs: కేంద్ర ప్రభుత్వ రంగ సంస్థ అయిన Hindustan Petroleum Corporation Limited (HPCL) 2026 సంవత్సరానికి సంబంధించి వివిధ విభాగాల్లో ఆఫీసర్ స్థాయి ఉద్యోగాల భర్తీకి నోటిఫికేషన్ విడుదల చేసింది. దేశవ్యాప్తంగా ఉన్న యూనిట్లు, బ్రాంచ్‌లలో మొత్తం 739 జూనియర్ ఎగ్జిక్యూటివ్, ఇంజనీర్, ఆఫీసర్ పోస్టులను భర్తీ చేయనుంది. అర్హులైన అభ్యర్థులు మార్చి 25, 2026 రాత్రి 11:59 గంటలలోపు ఆన్‌లైన్ ద్వారా దరఖాస్తు చేసుకోవచ్చు.

విభాగాల వారీగా ఖాళీలు

ప్రధానంగా ఇంజనీరింగ్ విభాగాల్లో ఖాళీలు ఇలా ఉన్నాయి:

మెకానికల్ ఇంజనీర్ – 72
ఎలక్ట్రికల్ ఇంజనీర్ – 37
సివిల్ ఇంజనీర్ – 17
కెమికల్ ఇంజనీర్ – 15

అనుభవం ఉన్న అభ్యర్థులను CBG ఆపరేషన్స్, సేఫ్టీ, సేల్స్, లా, ఇన్ఫర్మేషన్ సిస్టమ్స్ వంటి విభాగాల్లో సీనియర్ ఆఫీసర్, అసిస్టెంట్ మేనేజర్ హోదాల్లో నియమించనున్నారు. అదనంగా ఫైనాన్స్, హెచ్‌ఆర్, క్వాలిటీ కంట్రోల్, ఫైర్ & సేఫ్టీ విభాగాల్లో కూడా నియామకాలు చేపడుతున్నారు.

అర్హతలు, వయోపరిమితి

దరఖాస్తుదారులు సంబంధిత విభాగంలో డిప్లొమా, డిగ్రీ, బీఈ/బీటెక్, ఎంబీఏ, సీఏ, సీఎంఏ, ఎంఎస్సీ వంటి అర్హతలు కలిగి ఉండాలి. కొన్ని పోస్టులకు అనుభవం కూడా తప్పనిసరి. అభ్యర్థుల వయస్సు 25 నుంచి 45 సంవత్సరాల మధ్య ఉండాలి. రిజర్వేషన్ వర్గాలకు ప్రభుత్వ నిబంధనల ప్రకారం వయోసడలింపు వర్తిస్తుంది.

ఎంపిక విధానం, జీతం

ఆన్‌లైన్ రాత పరీక్ష, గ్రూప్ టాస్క్, సైకోమెట్రిక్ పరీక్ష, వ్యక్తిగత ఇంటర్వ్యూ ఆధారంగా తుది ఎంపిక జరుగుతుంది. రాత పరీక్ష మే 3, 2026న నిర్వహించనున్నారు. ఎంపికైన వారికి నెలకు రూ.30,000 నుంచి రూ.2,80,000 వరకు వేతనం లభిస్తుంది.