సోషల్ మీడియాలో సంచలనాలు సృష్టిస్తూ లక్షలాది మంది ఫాలోవర్లను సంపాదించుకున్న ప్రముఖ యూట్యూబర్ ఇప్పుడు గూఢచర్యం ఆరోపణలతో కటకటాల పాలయ్యాడు. పంజాబ్లో ఈ ఘటన చోటుచేసుకుంది. యూట్యూబ్లో 11 లక్షల మంది (1.1 మిలియన్) సబ్స్క్రైబర్లు కలిగిన జస్బీర్ సింగ్(Jasbir Singh)ను పోలీసులు అరెస్ట్ చేశారు. అతనిపై గూఢచర్యం ఆరోపణలు నమోదయ్యాయి. దేశ భద్రతకు సంబంధించిన సున్నితమైన సమాచారాన్ని చేరవేస్తూ గూఢచర్యానికి పాల్పడ్డాడన్న ఆరోపణలపై పంజాబ్ పోలీసులు జస్బీర్ సింగ్(Jasbir Singh)ను అదుపులోకి తీసుకున్నారు. సోషల్ మీడియాలో జనప్రియంగా ఉన్న వ్యక్తి గూఢచర్యం కేసులో చిక్కుకోవడం వింతగా మారింది.
జ్యోతి మల్హోత్రాతో సంబంధాలు – దర్యాప్తులో మరో కోణం
గూఢచర్యం ఆరోపణలతో అరెస్ట్ అయిన జ్యోతి మల్హోత్రాతో జస్బీర్ సింగ్(Jasbir Singh)కు సంబంధాలున్నట్లు కూడా పోలీసులు గుర్తించారు. భారీ సంఖ్యలో ఫాలోవర్లు ఉన్న ఒక యూట్యూబర్ ఇలా గూఢచర్యం ఆరోపణలతో అరెస్ట్ కావడం సోషల్ మీడియా వర్గాల్లో కూడా చర్చనీయాంశంగా మారింది. జస్బీర్ సింగ్ కేసు బలవంతమైతే నేషనల్ ఇన్వెస్టిగేషన్ ఏజెన్సీ (NIA) జోక్యం చేసే అవకాశం. ఇన్టెలిజెన్స్ బ్యూరో (IB) కూడా కీలక సమాచారం కోసం పరిశీలనలో ఉంది.
Read Also: Raja Raghuvanshi: మధ్యప్రదేశ్ దంపతుల కేసులో హత్య వాస్తవమే..భర్త మృతదేహం లభ్యం