Will Lewis resignation : ప్రముఖ అమెరికన్ వార్తాపత్రిక ది వాషింగ్టన్ పోస్ట్లో కీలక పరిణామం చోటుచేసుకుంది. సంస్థ పబ్లిషర్, సీఈవోగా వ్యవహరిస్తున్న విల్ లూయిస్ తన పదవికి ఆకస్మికంగా రాజీనామా చేశారు. 300 మందికి పైగా జర్నలిస్టులు సహా సిబ్బందిలో దాదాపు మూడో వంతు మందిని తొలగిస్తున్నట్లు ప్రకటించిన కొద్ది రోజులకే ఆయన వైదొలగడం చర్చనీయాంశంగా మారింది.
శనివారం సాయంత్రం ఉద్యోగులకు పంపిన ఈ-మెయిల్లో లూయిస్ తన రాజీనామాను ప్రకటించారు. “వాషింగ్టన్ పోస్ట్లో రెండు సంవత్సరాల కీలక పరివర్తన తర్వాత తప్పుకోవడానికి ఇదే సరైన సమయం. పత్రిక దీర్ఘకాలిక స్థిరత్వం కోసం కఠినమైన, కానీ అవసరమైన నిర్ణయాలు తీసుకున్నాం” అని ఆయన పేర్కొన్నారు.
Read Also: Soil testing : భూసార పరిరక్షణతోనే సాగు ముందడుగు
ఇటీవల సంస్థ తీవ్ర ఆర్థిక నష్టాలను ఎదుర్కొంటుండటంతో ఖర్చులను తగ్గించుకునేందుకు భారీ లేఆఫ్లకు నిర్ణయం తీసుకుంది. అయితే ఉద్యోగాల కోతల ప్రకటన సమయంలో సీఈవో అందుబాటులో లేకపోవడంపై అంతర్గతంగా విమర్శలు వెల్లువెత్తాయి. విల్ లూయిస్ 2024 జనవరిలో వాషింగ్టన్ పోస్ట్ సీఈవోగా బాధ్యతలు స్వీకరించారు.
విల్ లూయిస్ రాజీనామాతో, సంస్థ చీఫ్ ఫైనాన్షియల్ ఆఫీసర్ జెఫ్ డి’ఒనోఫ్రియోను తాత్కాలిక పబ్లిషర్, సీఈవోగా నియమించినట్లు వాషింగ్టన్ పోస్ట్ ప్రకటించింది. కొత్త తాత్కాలిక నాయకత్వానికి పూర్తి మద్దతు ఇస్తున్నట్లు పత్రిక యజమాని జెఫ్ బెజోస్ అధికారిక ప్రకటనలో తెలిపారు.
Read hindi news: hindi.vaartha.com
Read Also Epaper : epaper.vaartha.com
Read Also:
