తాజాగా హెచ్ 1బీ వీసా (H1B visa) ఫీజు పెంపుపై ఏర్పడిన గందరగోళం పై అమెరికా అధ్యక్ష భవనం, వైట్ హౌస్, స్ధిరమైన వివరణను ఇచ్చింది. కొన్ని రోజులుగా సామాజిక మాధ్యమాల్లో, వార్తారంగాల్లో హెచ్ 1బీ వీసా ఫీజు పెంపు అన్ని వీసా దరఖాస్తుదారులకు వర్తిస్తుందనే అపోహలు కలిగిన సందర్భంలో, వైట్ హౌస్ స్పష్టత ఇచ్చింది. వైట్ హౌస్ ప్రెస్ సెక్రటరీ కరోలిన్ లీవిట్ (Caroline Leavitt) మీడియా వేదికలలో, ఎక్స్ (పాత ట్విట్టర్) ద్వారా వివరించింది,
ఈ కొత్త ఫీజు పెంపు కేవలం కొత్తగా వీసా కోసం దరఖాస్తు చేసుకునే అభ్యర్థులకే వర్తిస్తుందని.ఇప్పటికే హెచ్ 1బీ వీసాపై అమెరికాలో పనిచేస్తున్న విదేశీయులకు ఈ పెంపు వర్తించదని తెలిపింది. ఈ మేరకు వైట్హౌస్ ప్రెస్ సెక్రటరీ (White House Press Secretary) కరోలిన్ లీవిట్ ‘ఎక్స్’ వేదికగా స్పష్టతనిచ్చారు.హెచ్-1బీ వీసాపై విధించిన లక్ష డాలర్ల రుసుము వార్షిక ఫీజు కాదని ఆమె స్పష్టం చేశారు.
అమెరికా బయట ఉన్నవారు భయపడాల్సిన అవసరం లేదని
కొత్తగా దరఖాస్తు చేసుకునే సమయంలో కట్టాల్సిన వన్టైమ్ ఫీజు మాత్రమేనని చెప్పారు. ఇప్పటికే ఈ వీసా కలిగి ఉండి అమెరికా బయట ఉన్నవారు భయపడాల్సిన అవసరం లేదని, వారిపై ఈ లక్ష డాలర్ల రుసుము విధించబోమని తెలిపారు. వారంతా ఎప్పటిలాగే అమెరికా నుంచి బయటకు వెళ్లి తిరిగి రావొచ్చని, కొత్త నిబంధన వారికి వర్తించదని వివరించారు.
Read hindi news: hindi.vaartha.com
Read Also: