War updates: గత కొన్ని రోజులుగా పాకిస్థాన్, ఆఫ్ఘనిస్థాన్ మధ్య సరిహద్దు వివాదం చిలికి చిలికి గాలివానలా మారింది. ఇరు దేశాలు పరస్పరం భారీ ఆయుధాలతో దాడులు చేసుకుంటున్నాయి. ఐక్యరాజ్యసమితి వెల్లడించిన నివేదికల ప్రకారం, ఈ భీకర పోరు ధాటికి సుమారు 20,000 కుటుంబాలు నిలువనీడ కోల్పోయి సురక్షిత ప్రాంతాలకు తరలిపోయాయి. ఈ హింసాకాండలో ఇప్పటివరకు 42 మంది ప్రాణాలు కోల్పోగా, వందలాది మంది క్షతగాత్రులయ్యారు. మృతుల్లో చిన్నారులు కూడా ఉండటం అంతర్జాతీయ సమాజం ఆందోళన కలిగిస్తోంది.
Read Also: Iran: చమురు సంక్షోభంపై భారత్కు అండగా రష్యా కీలక ప్రకటన
ఆకలితో అలమటిస్తున్న లక్షలాది మంది
యుద్ధ వాతావరణం కారణంగా సరిహద్దు ప్రాంతాల్లో ఆహార సరఫరా పూర్తిగా నిలిచిపోయింది. ఇప్పటికే పోషకాహార లోపంతో కొట్టుమిట్టాడుతున్న ఈ ప్రాంత ప్రజలపై యుద్ధం పెను ప్రభావం చూపుతోంది. సుమారు 1.6 లక్షల మంది ప్రజలు ఆకలితో అలమటించే ప్రమాదం ఉందని ప్రపంచ ఆహార కార్యక్రమం (WFP) తీవ్ర హెచ్చరికలు జారీ చేసింది. అత్యవసరంగా మానవతా సాయం అందకపోతే పరిస్థితి మరింత దారుణంగా మారుతుందని స్వచ్ఛంద సంస్థలు ఆవేదన వ్యక్తం చేస్తున్నాయి.
సైనిక చర్యలు మరియు ప్రతి దాడులు
పాకిస్థాన్ వైమానిక దాడులను నిరసిస్తూ ఆఫ్ఘన్ దళాలు ప్రతి దాడులకు దిగాయి. ఇస్లామాబాద్ సైన్యం కాబూల్, కాందహార్తో పాటు వ్యూహాత్మకమైన బాగ్రామ్ ఎయిర్బేస్ను లక్ష్యంగా చేసుకుని విరుచుకుపడుతోంది. ముఖ్యంగా కునార్ ప్రాంతం క్షిపణి దాడులతో దద్దరిల్లుతోంది. కాగా, ఈ పోరులో తమ వైపు 25 మంది సైనికులు మరణించారని చెబుతున్న ఆఫ్ఘన్, సుమారు 150 మంది పాక్ సైనికులను మట్టుబెట్టినట్లు ప్రకటించడం సంచలనంగా మారింది. ఇరు దేశాలు మొండిగా ముందుకు సాగుతుండటంతో ఈ ఉద్రిక్తతలు ఎటు దారితీస్తాయో అన్న భయం నెలకొంది.
Read hindi news: hindi.vaartha.com
Epaper: epaper.vaartha.com
Read Also: