ట్రంప్ ప్రభుత్వం రెండోసారి అధికారం చేపట్టిన తర్వాత అమెరికా వీసా Visa విధానాలు మరింత కఠినతరం అవుతున్నాయి. వలసదారుల దుర్వినియోగాన్ని అరికట్టే లక్ష్యంతో, అమెరికా తాజాగా మరో కొత్త నిబంధనను ప్రవేశపెట్టింది. కొన్ని దేశాల పౌరులు తాత్కాలికంగా (B1/B2) వీసా మీద అమెరికా వెళ్లాలంటే ఇప్పుడు భారీ మొత్తం “వీసా బాండ్”గా డిపాజిట్ చేయాల్సి వస్తుంది. ఇప్పటికే ఉన్న దేశాల జాబితాలో తాజాగా మాలి, మౌరిటానియా, సావో టోమ్ అండ్ ప్రిన్సిపే, టాంజానియా దేశాలను కూడా చేర్చారు. దీని వల్ల వీసా (Visa) బాండ్ అమలులో ఉన్న దేశాల సంఖ్య ఏడు దాటింది. ఈ నియమాలు పైలట్ ప్రాజెక్ట్గా 2025 ఆగస్టు 20 వరకు కొనసాగనున్నాయి.
IND-AFG: భారత్-అఫ్గానిస్థాన్ కొత్త స్నేహం
Visa
ఎంత బాండ్ చెల్లించాలి?
ఈ దేశాల పౌరులు అమెరికాకు (Amerika) టూరిస్ట్ లేదా బిజినెస్ వీసాతో వెళ్లాలంటే, 5,000 నుండి 15,000 డాలర్లు (సుమారు రూ. 4 లక్షల నుంచి రూ. 12 లక్షల వరకు) బాండ్గా ముందుగానే చెల్లించాలి. ఎంత మొత్తం బాండ్ అనేది వీసా ఇంటర్వ్యూలో నిర్ణయిస్తారు. అదనంగా ఫామ్ I-352 కూడా సమర్పించాల్సి ఉంటుంది.
ఎందుకు ఈ నిర్ణయం?
కొన్ని దేశాల పౌరులు వీసా గడువు ముగిసినా తిరిగి తమ దేశాలకు వెళ్లకపోవడం (Overstay) ప్రధాన కారణం. అమెరికా హోమ్ల్యాండ్ సెక్యూరిటీ శాఖ నివేదిక ప్రకారం, కొన్ని ఆఫ్రికన్ దేశాల ఓవర్స్టే రేటు 10–40% వరకు ఉంది. ఉదాహరణకు ది గాంబియా దేశంలో ఇది 38.79% వరకు ఉంది.
భారతీయులకు వర్తించదు
ఇక భారతీయుల విషయంలో మాత్రం ఆందోళన అవసరం లేదు. భారతీయుల వీసా ఓవర్స్టే రేటు చాలా తక్కువగా — కేవలం 1.29% మాత్రమే ఉంది. అందువల్ల ఈ బాండ్ నిబంధన భారత్ పౌరులకు వర్తించదు.
బాండ్ రీఫండ్ ఎప్పుడు?
వీసా బాండ్ చెల్లించిన వారు వీసా గడువు ముగిసేలోపు అమెరికా నుంచి బయలుదేరితే, వారు చెల్లించిన మొత్తం తిరిగి అందుతుంది. వీసా Visa తీసుకుని అమెరికాకు రాకపోయినా, లేదా ఎంట్రీ వద్ద తిరస్కరణకు గురైనా, బాండ్ రద్దు చేసి డబ్బు వాపసు ఇస్తారు.
ప్రవేశానికి ప్రత్యేక విమానాశ్రయాలు
ఈ బాండ్ విధానం వర్తించే దేశాల పౌరులు అమెరికాలోకి రావాలంటే బోస్టన్, న్యూయార్క్, వాషింగ్టన్ డల్లెస్ వంటి కొన్ని నిర్దిష్ట విమానాశ్రయాల ద్వారానే ప్రవేశించాలి. ఈ చర్యలన్నీ అమెరికా ఇమ్మిగ్రేషన్ వ్యవస్థను మరింత క్రమబద్ధంగా మార్చేందుకు, వీసా దుర్వినియోగాన్ని నివారించేందుకు ట్రంప్ (Trump) ప్రభుత్వం చేపట్టిన కొత్త వ్యూహాలుగా భావిస్తున్నారు.
Read hindi news: hindi.vaartha.com
Epaper : https://epaper.vaartha.com/
Read Also:
