వెనిజులా(Venezuela) మిలిటరీ స్థావరాలపై అమెరికా(United States) దాడికి సిద్ధమవుతోందని అంతర్జాతీయ మీడియా సంచలన నివేదికలు వెల్లడించాయి. ఇటీవల అమెరికా గూఢచారి సంస్థలు, “సోల్స్ డ్రగ్ ముఠా” అనే అంతర్జాతీయ మాదక ద్రవ్య రవాణా నెట్వర్క్ను లక్ష్యంగా చేసుకున్నాయని సమాచారం. ఈ ముఠా వెనిజులా ప్రభుత్వానికి అత్యంత సన్నిహితంగా పనిచేస్తోందని, ఆ దేశ సైనిక స్థావరాలను కూడా తమ రవాణా కేంద్రాలుగా ఉపయోగిస్తున్నట్లు అమెరికా ఆరోపిస్తోంది. వార్తల ప్రకారం, అమెరికా సైన్యం ఇప్పటికే ఆ ప్రాంతంలో తన నావిక దళాలు, వైమానిక దళాలను సిద్ధం చేసిందని తెలుస్తోంది. రాబోయే కొన్ని రోజుల్లో లేదా గంటల్లోనే దాడి జరిగే అవకాశం ఉందని విదేశీ మీడియా పేర్కొంది.
Read also:Tejpal Singh:కబడ్డీ క్రీడాకారుడిని కాల్చి చంపిన దుండగులు
మదురో ప్రభుత్వంపై తీవ్ర ఆరోపణలు
వెనిజులా(Venezuela) అధ్యక్షుడు నికోలస్ మదురో నేతృత్వంలోనే ఈ “సోల్స్ డ్రగ్ నెట్వర్క్” నడుస్తోందని అమెరికా తీవ్ర ఆరోపణలు చేస్తోంది. ఈ నెట్వర్క్ ప్రతి సంవత్సరం దాదాపు 500 టన్నుల కొకైన్ను యూరప్ మరియు అమెరికన్ మార్కెట్లకు అక్రమంగా రవాణా చేస్తోందని ఆరోపణలు ఉన్నాయి. అమెరికా దృష్టిలో ఇది సాధారణ డ్రగ్ ట్రాఫికింగ్ వ్యవహారం కాకుండా, ప్రభుత్వ మద్దతుతో నడుస్తున్న అంతర్జాతీయ నేరచర్యగా పరిగణిస్తున్నారు. వెనిజులా ప్రభుత్వం మాత్రం ఈ ఆరోపణలను ఖండిస్తూ, అమెరికా తమ అంతర్గత వ్యవహారాల్లో జోక్యం చేసుకుంటోందని, ఇది రాజకీయ ప్రేరేపిత ప్రయత్నమని పేర్కొంది.
ప్రపంచవ్యాప్తంగా ఆందోళన
ఈ పరిణామాల వల్ల లాటిన్ అమెరికా దేశాల్లో ఉద్రిక్తతలు నెలకొన్నాయి. యునైటెడ్ నేషన్స్, యూరోపియన్ యూనియన్లు కూడా ఇరు దేశాలను శాంతియుత మార్గాల్లో సమస్య పరిష్కారానికి పిలుపునిచ్చాయి. ప్రస్తుతం అమెరికా వైమానిక దళాలు కరేబియన్ సముద్ర తీరంలో పహారా కాస్తున్నాయి. ఒకవేళ దాడి జరిగితే అది గత దశాబ్దంలో లాటిన్ అమెరికాలో జరిగిన అత్యంత పెద్ద సైనిక చర్యగా చరిత్రలో నిలిచే అవకాశం ఉందని విశ్లేషకులు అంటున్నారు.
అమెరికా ఎందుకు వెనిజులాపై దాడి చేయబోతోంది?
డ్రగ్ ముఠా ఫెసిలిటీస్పై చర్య పేరుతో మిలిటరీ దాడి చేయబోతున్నట్లు సమాచారం.
దాడి ఎప్పుడు జరిగే అవకాశం ఉంది?
అంతర్జాతీయ మీడియా ప్రకారం, రాబోయే కొన్ని రోజుల్లో లేదా గంటల్లో జరగవచ్చు.
Read hindi news: hindi.vaartha.com
Epaper: epaper.vaartha.com/
Read Also:
