US vs Iran: అమెరికాకు చెందిన శక్తివంతమైన విమాన వాహక యుద్ధనౌక ‘యూఎస్ఎస్ అబ్రహాం లింకన్’ (USS Abraham Lincoln) పై తాము దాడి చేశామని ఇరాన్ చేస్తున్న ప్రచారంలో వాస్తవం లేదని తేలిపోయింది. తమ క్షిపణులు, డ్రోన్ దాడుల వల్ల ఈ యుద్ధనౌకకు భారీ నష్టం వాటిల్లిందని, అది యుద్ధరంగం నుండి వెనుదిరిగిందని ఇరాన్ ఇస్లామిక్ రివల్యూషనరీ గార్డ్ కార్ప్స్ (IRGC) ప్రచారం చేసింది. ప్రపంచవ్యాప్తంగా చర్చనీయాంశమైన ఈ వార్తపై అమెరికా రక్షణ శాఖ తక్షణమే స్పందించింది.
Read Also: Adobe CEO: అడోబ్ సీఈవో శాంతను నారాయణ్ ఎందుకని తప్పుకున్నారు?
ఇరాన్ నౌకపై అమెరికా దళాలు కాల్పులు
ఇరాన్ ప్రయోగించిన క్షిపణులు కనీసం నౌకకు సమీపంలోకి కూడా రాలేదని స్పష్టం చేసింది. దీనికి రుజువుగా, నౌక సముద్రంలో సాధారణ కార్యకలాపాలు నిర్వహిస్తున్న ఫొటోలు, వీడియోలను అమెరికా విడుదల చేసింది. ఇదిలా ఉండగా, ఇటీవల అబ్రహాం లింకన్ నౌకకు అత్యంత సమీపంగా వచ్చిన ఓ ఇరాన్ నౌకపై అమెరికా దళాలు కాల్పులు జరిపాయి. ప్రమాదకరంగా దగ్గరికి రావడంతో హెచ్చరికగా కాల్పులు జరిపి, హెలికాప్టర్ ద్వారా హెల్ఫైర్ క్షిపణిని ప్రయోగించి ఆ ఇరాన్ బోటును దెబ్బతీశాయి.
Read hindi news: hindi.vaartha.com
Epaper : epaper.vaartha.com
Read Also: