Maduro exit offer : వెనిజులా అధ్యక్షుడు నికోలాస్ మడూరోకు దేశం విడిచిపెట్టి రష్యా లేదా ఇతర దేశాలకు వెళ్లే అవకాశాన్ని అమెరికా ఇచ్చిందని రిపబ్లికన్ సెనేటర్ మార్క్వేన్ మల్లిన్ వెల్లడించారు. ఈ వ్యవహారంపై ప్రాంతంలో ఉద్రిక్తతలు పెరుగుతున్న నేపథ్యంలో ఆయన ఈ వ్యాఖ్యలు చేశారు.
సీఎన్ఎన్తో మాట్లాడుతూ మల్లిన్ మాట్లాడుతూ, (maduro exit offer) “మడూరోకు మేము స్పష్టమైన ఆప్షన్ ఇచ్చాం. అతను కావాలంటే రష్యాకు వెళ్లవచ్చు లేదా మరో దేశానికి వెళ్లవచ్చు” అని తెలిపారు.
అయితే, దీనిని సైనిక దాడులుగా భావించాల్సిన అవసరం లేదని స్పష్టం చేశారు.
“డొనాల్డ్ ట్రంప్ అధ్యక్షుడు వెనిజులాలోకి అమెరికా సైన్యాన్ని పంపే ఆలోచనలో లేరు. మేం కేవలం మా దేశ సరిహద్దులను, ప్రజలను రక్షించుకునే ప్రయత్నం చేస్తున్నాం” అని అన్నారు.
Read also: IND vs SA: తొలి వన్డేలో దక్షిణాఫ్రికా ధైర్యవంతమైన ఛేజ్
వెనిజులా గగనతలంపై ఆంక్షలు
ఇటీవలి రోజుల్లో ట్రంప్ ప్రభుత్వం వెనిజులాపై ఒత్తిడి మరింత పెంచింది. వెనిజులా గగనతలం మొత్తం ‘పూర్తిగా మూసివేసినట్లు’ ప్రకటించింది. దీనిపై ట్రంప్ తన ట్రూత్ సోషల్లో,
“వెనిజులా చుట్టూ ఉన్న గగనతలాన్ని అన్ని విమానాలు, డ్రగ్ స్మగ్లర్లు, మానవ అక్రమ రవాణా చేసేవారికి పూర్తిగా మూసివేశాం” అని పోస్టు చేశాడు.
దీనిపై వెనిజులా ప్రభుత్వం తీవ్రంగా స్పందించింది. ఇది తమ సార్వభౌమత్వాన్ని ఉల్లంఘించే చర్యగా, అంతర్జాతీయ చట్టాలకు విరుద్ధమని ఖండించింది. అమెరికా తమపై ‘శాశ్వత దాడి విధానాన్ని’ కొనసాగిస్తోందని ఆరోపించింది.
అమెరికా చేపడుతున్న ‘ఆపరేషన్ సదర్న్ స్పియర్’లో భాగంగా సెప్టెంబర్ నుంచి ఇప్పటివరకు డ్రగ్ రవాణాకు ఉపయోగిస్తున్నట్లు ఆరోపణలు ఉన్న పడవలపై దాడులు జరిగాయని, వీటిలో 80మందికి పైగా మరణించారని సమాచారం. అయితే, ఈ ఆరోపణలకు స్పష్టమైన ఆధారాలు అమెరికా ఇప్పటివరకు బయటపెట్టలేదు.
Read hindi news: https://hindi.vaartha.com
Epaper : https://epaper.vaartha.com/
