అమెరికాపై భారత్ ప్రశంసలు
గాజాలో కొనసాగుతున్న సంక్షోభం
గాజా ప్రాంతంలో సంవత్సరాలుగా కొనసాగుతున్న సంఘర్షణ వల్ల అక్కడి ప్రజలు తీవ్ర మానవతా సమస్యలను ఎదుర్కొంటున్నారు. జీవనోపాధి, ఆహారం, వైద్యం, మౌలిక సదుపాయాలు తీవ్రంగా దెబ్బతిన్నాయి. ఈ నేపథ్యంలో గాజాలో శాంతి స్థాపన, పునర్నిర్మాణం అత్యవసరంగా మారింది. గాజా(gaza) పునర్నిర్మాణం అనేది ఒక బృహత్తర మరియు దీర్ఘకాలిక ప్రక్రియ అని భారత్ పేర్కొంది. ఆర్థిక పునరుద్ధరణ, ప్రజా సేవల పునఃప్రారంభం, మానవతా సహాయం అందించడం వంటి అంశాలు సమగ్రంగా అమలు కావాల్సిన అవసరం ఉందని స్పష్టం చేసింది.
Read Also: CSIS report: రష్యా–ఉక్రెయిన్ యుద్ధంలో 20లక్షల మంది మృతి
అమెరికా చేసిన కృషిపై భారత్ ప్రశంసలు
గాజాలోని దీర్ఘకాలిక సంఘర్షణకు పరిష్కారం చూపేందుకు అమెరికా చేస్తున్న ప్రయత్నాలను భారత్ అభినందించింది.
అమెరికా చేపడుతున్న దౌత్య ప్రయత్నాలు శాంతి స్థాపనకు దోహదపడతాయని భారత్ అభిప్రాయపడింది. పాలస్తీనా పౌరులు ఎదుర్కొంటున్న బాధలు, కష్టాలను తగ్గించేందుకు అంతర్జాతీయ సమాజం నిరంతర మద్దతు, నిబద్ధత అవసరమని భారత్ పేర్కొంది. ఈ సమస్యను కేవలం ఒక దేశం మాత్రమే పరిష్కరించలేదని, అందరి భాగస్వామ్యం కీలకమని అభిప్రాయపడింది.
ఐక్యరాజ్యసమితి భద్రతా మండలిలో భారత్ ప్రకటన
పశ్చిమాసియాలో నెలకొన్న పరిస్థితిపై ఐక్యరాజ్యసమితి భద్రతా మండలిలో జరిగిన బహిరంగ చర్చలో
భారతదేశ శాశ్వత ప్రతినిధి మరియు రాయబారి పర్వతనేని హరీశ్ ఈ వ్యాఖ్యలు చేశారు. ఐరాస భద్రతా మండలి తీర్మానం అమలుపై పురోగతి, ఇటీవల ఐరాస భద్రతా మండలి తీర్మానం అమలులో జరిగిన పురోగతిని భారత్ గమనించిందని రాయబారి తెలిపారు. ఈ తీర్మానాల అమలు గాజాలో శాంతి స్థాపనకు కీలకమని ఆయన పేర్కొన్నారు.
ఉగ్రవాదంపై భారత్ కఠిన వైఖరి
భారత్ తన ప్రకటనలో ఉగ్రవాదంపై స్పష్టమైన వైఖరిని వెల్లడించింది. “నాగరిక సమాజాలలో ఉగ్రవాదానికి చోటు లేదు. టెర్రరిజం ఏ రూపంలో, ఎక్కడ ఉన్నా ఖండించాల్సిందే.” అని రాయబారి పర్వతనేని హరీశ్ స్పష్టం చేశారు.గాజా సమస్యకు శాశ్వత పరిష్కారం కోసం శాంతి, సంభాషణ, అంతర్జాతీయ సహకారం అవసరమని భారత్ పునరుద్ఘాటించింది. మానవతా విలువలకు ప్రాధాన్యం ఇస్తూ, పశ్చిమాసియాలో శాంతి స్థిరపడాలని భారత్ ఆకాంక్షిస్తోంది.
Read hindi news: hindi.vaartha.com
Epaper: epaper.vaartha.com
Read Also: