నాలుగు సంవత్సరాలుగా ఎడతెగనివిధంగా జరుగుతున్న రష్యా-ఉక్రెయిన్ యుద్ధంపై ప్రపంచదేశాలు తీవ్ర ఆవేదనను వ్యక్తం చేస్తున్నాయి. ఈ యుద్ధానికి ముగింపు పలకాలని పలు దేశాలు డిమాండ్ చేస్తున్నాయి. ట్రంప్ (Trump) ఒత్తిడిని కూడా పెంచుతున్నాయి. ఈ పరిణామాల వల్ల ట్రంప్ ఇటీవల 20 సూత్రాల ఒప్పంద ప్రణాళికను ఉక్రెయిన్-రష్యాలకు విధించారు. అయితే వీటిని ఉక్రెయిన్ ఏమాత్రం అంగీకరించలేదు. ఇది ఒకవైపు ఇలా కొనసాగుతుండగానే..
Read Also: NandaDevi: భారత్ పై అమెరికా ‘అణు’ బాంబు.. చైనాపై నిఘా కోసమేనా?
ఉక్రెయిన్ (Ukraine) అధ్యక్షుడు వొలొదిమిర్ జెలెన్ స్కీ (zelensky) రష్యా యుద్ధాన్ని ముగించేందుకు సిద్ధమని ప్రకటిస్తూ.. కీలక ప్రతిపాదనను తెరపైకి తెచ్చారు. రష్యా నుంచి భవిష్యత్తులో దాడులు జరగలకుండా పశ్చిమదేశాల నుంచి భద్రతా హామీలు లభిస్తే తమ దేశం నాటో కూటమిలో చేరాలనే ప్రయత్నాన్ని విరమించుకోవడానికి సిద్ధమని ఆయన ప్రకటించారు. ఆదివారం బెర్లిన్ లో జరిగిన సమావేశంలో ఈవిధంగా చెప్పారు. నాటో సభ్య దేశాలకు ఉన్న తరహాలోనేభద్రతా హామీలను పశ్చిమదేశాలు తమకు అందించాలని జెలెన్స్కీ కోరారు. ‘ఈ భద్రతా హామీలు రష్యా నుంచి మరో దాడిని నిరోధించేందుకు ఒక అవకాశం. ఇది మా వైపు నుంచి చేస్తున్న రాజీ అని జెలెన్ స్కీ విలేకరుల సమావేశంలో స్పష్టం చేశారు.
డొనెట్స్ ప్రాంతాన్ని అప్పగించలేం.. జెలెన్ స్కీ
రష్యాకు తమ భూభాగాన్ని అప్పగించాలనే అమెరికా ప్రతిపాదనను జెలెన్ స్కీ పూర్తిగా తిరస్కరించారు. తూర్పు ప్రాంతంలో డొనెట్స్ నుంచి ఉక్రెయిన్ బలగాలను ఉపసంహరించుకుని అక్కడ సైన్యం లేని స్వేచ్ఛా ఆర్థిక మండలిని ఏర్పాటు చేయాలనే ఆమెరికా ఆలోచన ఆచరణ సాధ్యం కాదని ఆయన కొట్టిపారేశారు. ఈ ఆర్థిక మండలిని ఎవరు నిర్వహిస్తారు? అని ప్రశ్నించిన ఆయన తాత్కాలికంగా సరిహద్దు వెంబడి బఫర్ జోన్ ఏర్పాటు చేస్తే ఉక్రెయిన్ దళాలు 5 నుంచి 10కిలో మీటర్లు వెనక్కి తగ్గితే, రష్యా దళాలు కూడా అదే దూరం వెనక్కి ఎందుకు తగ్గకూడదు? అని జెలెన్ స్కీ ప్రశ్నించారు. ఈ విషయమై స్పందించిన రష్యా విదేశీ వ్యవహారాల సలహాదారు యూరి ఉషాకోవ్ ఆ ప్రాంతం డీమిలిటరైజ్డ్ జోన్ గా మారినా కూడా డొనెట్స్ లోని కొన్ని ప్రాంతాల్లో రష్యా పోలీసు, నేషనల్ గార్డ్ దళాలు ఉంటాయని తెలిపారు.
Read hindi news: hindi.vaartha.com
Epaper : epaper.vaartha.com
Read Also: