అమలుకు సాధ్యం కాని శాంతి ప్రణాళిక: జెలెన్ స్కీ
రష్యాతో నాలుగేళ్లుగా సాగుతున్న యుద్ధాన్ని ముగించేందుకు జెనీవాలో కీలక చర్చలు జరుగుతున్న సమయంలో ఉక్రెయిన్ (Ukraine) పై అగ్రరాజ్యం అమెరికా అధ్యక్షుడు డొనాల్డ్ ట్రంప్ సంచలన వ్యాఖ్యలు చేశారు. యుద్ధాన్ని ఆపేందుకు తానెంతగానో కష్టపడితే కీవ్ తన ప్రయత్నాలకు సున్నా కృతజ్ఞతను తెలిపిందని ఆరోపిస్తూ ఓ పోస్ట్ పెట్టారు. అయితే ఇది చూసిన ఉక్రెయిన్ అధ్యక్షుడు వోలోడిమిర్ జెలెన్ స్కీ (zelensky) వెంటనే స్పందించారు. ఎవరూ ఊహించని విధంగా రిప్లై ఇచ్చారు.
Read Also: Hyderabad Accident: ఘోర ప్రమాదం.. భయానక ఫొటో
మీకెప్పుడూ మా కృతజ్ఞలు: జెలెన్ స్కీ
ఉక్రెయిన్ పట్ల తరచుగా భిన్నమైన వైఖరిని ప్రదర్శించే ట్రంప్ (Trump) తన సోషల్ మీడియా ప్లాట్ఫామ్ ‘ట్రూత్ సోసల్ ద్వారా తీవ్ర విమర్శలు గుప్పించారు. రష్యా డిమాండ్లకు అనుగుణంగా రూపొందించిన తన శాంతి ప్రణాళికపై ఉక్రెయిన్ నాయకత్వం తమ ప్రయత్నాలకు సున్నాకృతజ్ఞతను వ్యక్తం చేసింది అని పోస్టు పెట్టారు. దీనిపై జెలెన్ స్కీ సమాధానం చెబుతు ‘ఉక్రెయిన్ దేశం అమెరికాకు, ప్రతి అమెరికన్ హృదయానికి, వ్యక్తిగతంగా అధ్యక్షుడు ట్రంప్నకు పూర్తి కృతజ్ఞతతో ఉందని పేర్కొన్నారు. జావెలిన్ క్షిపణుల ప్రారంభం నుంచి తమ ప్రజల ప్రాణాలను కాపాడుతున్న సాయాన్ని తామెప్పటికీ మర్చిపోమని వెల్లడించారు. అంతేకాకుండా ఉక్రెయిన్ కు అమెరికా అందించిన ఆయుధాలను ప్రత్యేకంగా ప్రస్తావించారు.
మీ డిమాండ్లను ఒప్పుకోలేం..
ట్రంప్ ప్రతిపాదించిన ప్రణాళిక ఒప్పందానికి తాము అస్సలే ఒప్పుకోలేమని జెలెన్ స్కీ వెల్లడించారు. గతంలో రష్యా కఠిన డిమాండ్లలో కొన్నింటిని చేర్చడం వివాదాస్పదంగా మారింది. ఆ డిమాండ్లలో ఉక్రెయిన్ భూభాగాన్ని అప్పగించడం, సైన్యాన్ని తగ్గిచడం, ఎప్పటికీ నాటోలో చేరబోమని ప్రతిజ్ఞ చేయడం వంటివి ఉన్నాయి. అయితే ఈ ప్రణాళికను ఆమోదించడానికి ట్రంప్ ఈనెల 27వ తేదీ వరకు (థాంక్స్ గివింగ్) వరకు ఉక్రెయిన్కు గడువు విధించారు. ఈ ప్రణాళిక ఒప్పందం ఏమాత్రం తమకు అనుకూలంగా లేకపోవడంతో అందుకు జెలెన్స్కీ ఒప్పుకోనని చెప్పారు. జెనీవాలో అమెరికా-ఉక్రెయిన్ అగ్ర అధికారులు 28 సూత్రాల ముసాయిదా శాంతి ప్రణాళికలో మార్పులు చేయడానికి నిమత్నమయ్యారు. ఉక్రెయిన్ భద్రతా మండలి కార్యదర్శిగా వ్యవహరిస్తున్న రస్టెమ్ ఉమెరోవ్ మాట్లాడుతూ శాంతి ప్రణాళిక తుడి ఆమోదం దశలో ఉందని చెప్పారు.
Read hindi news : hindi.vaartha.com
Epaper: epapervaartha.com
Read Also:
