అమెరికా అధ్యక్షుడు డొనాల్డ్ ట్రంప్ (Donald Trump) మరోసారి తన స్టైల్లో సందడి చేశారు. రష్యా-ఉక్రెయిన్ యుద్ధంపై శాంతి ఒప్పందం చేస్తే, తనకు స్వర్గపు టికెట్ దక్కే అవకాశముందని వ్యంగ్యంగా వ్యాఖ్యానించారు.మంగళవారం “ఫాక్స్ అండ్ ఫ్రెండ్స్” (“Fox and Friends”) టీవీ కార్యక్రమంలో ట్రంప్ మాట్లాడుతూ,నేను స్వర్గానికి వెళ్లేందుకు ప్రయత్నిస్తున్నా, కానీ నా స్థానం ఇంకా తక్కువగా ఉంది.ఉక్రెయిన్ సమస్యను పరిష్కరించగలిగితే, దేవుడు నన్ను పట్టించుకుంటాడేమో, అంటూ నవ్వించారు.ఈ వ్యాఖ్యలు ఆయన ఉక్రెయిన్, యూరోపియన్ నాయకులతో సమావేశమైన మరుసటి రోజే వచ్చాయి.ఈ వ్యాఖ్యలతో ట్రంప్ రాజకీయ వ్యాఖ్యలకు, ఆధ్యాత్మిక కోణాన్ని జోడించారు.
ఆధ్యాత్మిక మార్గంలో ట్రంప్ మార్పు?
గత ఏడాది హత్యాయత్నం నుంచి బయటపడ్డ తర్వాత ట్రంప్లో మార్పు స్పష్టంగా కనిపిస్తోంది.దేవుడు నన్ను కాపాడాడు, అందుకే అమెరికాను మళ్లీ గొప్పగా చేయగలను, అని. ప్రమాణ స్వీకార వేడుకలో స్పష్టం చేశారు.ఇక తన రెండోసారి అధ్యక్షతకు సంబంధించిన ఆధ్యాత్మిక బాధ్యతలను పౌలా వైట్కు అప్పగించారు.ఆమెను అధికారిక ఆధ్యాత్మిక సలహాదారుగా ట్రంప్ నియమించారు.ట్రంప్ జీవితంలో వివాహాలు మూడు, అభిశంసనలు రెండు ఉండటం విశేషం.ఇటీవల పోర్న్ స్టార్కు డబ్బులు ఇచ్చిన కేసులో శిక్షపడ్డ తొలి అధ్యక్షుడిగా నిలిచారు.
క్రిమినల్ కేసు, చరిత్రలో ట్రంప్ పేరు
ఈ కేసు వల్ల ట్రంప్ తీవ్ర విమర్శలు ఎదుర్కొంటున్నా, తన ఆధారాలు తాను నమ్ముతూ ఉన్నారు.ఇలా అమెరికా చరిత్రలో శిక్షపడిన తొలి అధ్యక్షుడు అనే రికార్డు ఆయన్ను విడిచిపెట్టదు.ట్రంప్ వ్యాఖ్యలపై ప్రెస్ సెక్రటరీ కరోలిన్ లెవిట్ స్పందించారు.అధ్యక్షుడు నిజంగానే స్వర్గం చేరాలనే అభిలాషతో ఉన్నారు, అన్నారు.ఆయన మాటల వెనుక ఆలోచన ఉంది. మనమందరం అదే కోరుకుందాం, అని పేర్కొన్నారు.ట్రంప్ వ్యాఖ్యల వెనుక ఉన్న హ్యూమర్, ధైర్యం, ఆయనకి మద్దతుగా మారాయి.తనదైన శైలిలో తలచుకోదగిన కామెంట్స్ చేయడం ట్రంప్కు కొత్త కాదు.ఈ వ్యాఖ్యలతో ట్రంప్ రాజకీయాన్ని, ఆధ్యాత్మికతను సమపాళ్లలో చర్చకు తెచ్చారు.అమెరికాలో ఇప్పటికే ఈవాన్జలికల్ వోటర్లను ఆకర్షించే ప్రయత్నం మొదలయ్యిందని అర్థమవుతోంది.
Read Also :