వెనెజులా అధ్యక్షుడు నికోలస్ మదురోను అరెస్టు చేసి అమెరికాకు తరలించిన నేపథ్యంలో, పొరుగునే ఉన్న కొలంబియాకు కూడా అగ్రరాజ్యం అధ్యక్షుడు డొనాల్డ్ ట్రంప్ (Trump) హెచ్చరికలు జారీ చేశారు. మాదకద్రవ్యాలను అమెరికాలోకి తరలించే ఎవరైనా సరే అదే విధమైన చర్యలకు గురి కాగలరని ఆయన స్పష్టంగా తెలిపారు. ఈ మేరకు కొలంబియా అధ్యక్షుడు గుస్తావో పెట్రోను ఉద్దేశించి ట్రంప్ పరోక్షంగా హెచ్చరికలు చేశారు.
Read also: Namibia: సిమ్ లేకుండా మాట్లాడే ఫోన్ కనిపెట్టిన యువకుడు
అమెరికాలోకి మాదకద్రవ్యాలు పంపిస్తే ఎవరికైనా అదే గతి
ట్రంప్ ప్రకారం, మదురో తన దేశంలో కొకైన్ ఉత్పత్తి చేసి, అమెరికాకు (America) పంపాడు. అమెరికన్ ప్రజలను మత్తులో ముంచే ప్రయత్నం చేశాడు. (Trump) ఇప్పుడు మదురోకు ఎదురైన పరిణామాన్ని చూశారా? మా దేశంలోకి అక్రమంగా మాదకద్రవ్యాలు పంపించే ఏ ఒక్కరూ కూడా ఇదే విధమైన గతి ఎదుర్కోవాల్సి ఉంటుంది. అంతేకాక, ట్రంప్ ఇటీవల కొలంబియాలో కూడా మాదకద్రవ్యాలను ఉత్పత్తి చేసి అమెరికాకు తరలించడంలో పాల్పడుతున్నట్లు ఆరోపించారు. ఈ నేపథ్యంలో, కొలంబియాలోని డ్రగ్స్ తయారీ ల్యాబ్లపై చర్యలు తీసుకోవడం అనివార్యం అని ఆయన చెప్పారు.
వెనెజువెలా రాజధాని కరాకస్ పై అమెరికా బలగాల దాడులను కొలంబియా అధ్యక్షుడు గుస్తావో పెట్రో ఖండించారు. ఈ చర్య లాటిన్ అమెరికా సార్వభౌమాధికారంపై జరిగిన దాడేనని విమర్శించారు. ఇది హ్యుమానిటేరియన్ క్రైసిస్ కు దారి తీస్తుందని ఆందోళన వ్యక్తం చేశారు. కాగా, యాంటీ డ్రగ్ స్ట్రాటజీలో భాగంగా అమెరికా ఇటీవల కరేబియన్ సముద్రంలో తన నౌకలను మోహరించిన విషయం తెలిసిందే. ఈ చర్యను విమర్శించిన పెట్రో.. కొలంబియాలోని డ్రగ్స్ తయారీ లేబరేటరీలపై దాడులు చేస్తామంటూ ట్రంప్ చేసిన పరోక్ష హెచ్చరికలను కూడా ఆక్షేపించారు. కొలంబియా భూభాగంపై దాడులు జరపడమంటే ఆక్రమణకిందే చూస్తామని పెట్రో స్పష్టం చేశారు.
Read hindi news: hindi.vaartha.com
Epaper: epaper.vaartha.com
Read also:
