ప్రపంచంలోని ప్రముఖ అభివృద్ధి చెందుతున్న మూడు ఆర్థిక వ్యవస్థలు భారత్, బ్రెజిల్, దక్షిణాఫ్రికా తాజాగా మరింతగా ఒకే దారిలో నడుస్తున్నాయి. దీనికి ప్రధాన కారణంగా అమెరికా అధ్యక్షుడు డొనాల్డ్ ట్రంప్(Trump Tariff) అమలు చేస్తున్న కఠినమైన వాణిజ్య, రాజకీయ చర్యలను భావిస్తున్నారు. గతంలో వాషింగ్టన్ ఈ దేశాలతో సమతూకంగా దౌత్యాన్ని కొనసాగించినా, ట్రంప్ అధికారంలోకి వచ్చిన తర్వాత విధానాలు పూర్తిగా మారిపోయాయి. అధిక సుంకాలు, ప్రజాసమక్షం విమర్శలు, అంతర్జాతీయ వేదికలపై ఒత్తిడి ఇవన్నీ ఈ మూడు దేశాలను పరస్పరం మరింత చేరువ చేశాయి.
ఇటీవలి G20 సమావేశాల సందర్భంగా జోహన్నెస్బర్గ్లో భారతదేశం, బ్రెజిల్, దక్షిణాఫ్రికా నాయకులు IBSA ఫోరమ్ పేరుతో ప్రత్యేక సమావేశం నిర్వహించారు. ఈ ఫోరమ్ చాలా ఏళ్లుగా ఉన్నప్పటికీ, దాదాపు పదేళ్ల విరామం తర్వాత నాయకుల స్థాయిలో చర్చలు జరగడం ఇదే మొదటిసారి. రాజకీయ విశ్లేషకుల మాటల్లో ఇది ట్రంప్ విధానాల ప్రత్యక్ష ప్రభావమే.
Read Also: Dharmendra: సినిమాల్లో తనదైన ముద్ర వేసుకున్న ధర్మేంద్ర
దక్షిణాఫ్రికా అధ్యక్షుడు సిరిల్ రామఫోసా
చిన్న వేదిక కావడంతో IBSAలో నిర్ణయాలు త్వరగా తీసుకునే అవకాశం ఉంటుంది. మూడూ దేశాలు ఎదుర్కొంటున్న సమస్యలను నేరుగా చర్చించి, అమలు చేయగలిగే పరిష్కారాలను తక్షణమే నిర్ణయించుకోవచ్చు. దక్షిణాఫ్రికా అధ్యక్షుడు సిరిల్ రామఫోసా దీనిని “వైవిధ్యంలో బలం”గా అభివర్ణించారు. UN, WTO వంటి బహుపాక్షిక సంస్థలు అభివృద్ధి(Development of organizations) చెందుతున్న దేశాల అవసరాలను పూర్తిగా ప్రతిబింబించడం లేదని ఆయన పేర్కొన్నారు. భారత ప్రధానమంత్రి నరేంద్ర మోడీ కూడా ఈ సమావేశాన్ని చారిత్రకంగా అభివర్ణించారు.
ఇంకో కీలక అంశం చైనా అధ్యక్షుడు షీ జిన్పింగ్ G20కి హాజరు కాకపోవడం. BRICSలో చైనా, రష్యా వంటి శక్తివంతమైన దేశాలు తమ అజెండాను నెడుతుండటంతో, చిన్న సమూహమైన IBSA మూడు దేశాలకు సమాన హక్కులతో చర్చించే అవకాశం ఇస్తుందని విశ్లేషకులు చెబుతున్నారు. బ్రెజిల్ అధ్యక్షుడు లులా కూడా IBSAని BRICSల మాదిరిగా నడిపితే దాని అసలు లక్ష్యం నెరవేరదని స్పష్టం చేశారు.
ట్రంప్ విధానాల వల్ల ఈ దేశాలు ఎందుకు కలిసి వస్తున్నాయంటే
• భారతదేశంపై భారీ సుంకాలు, పాకిస్తాన్కు సంబంధించిన వ్యాఖ్యలు
• దక్షిణాఫ్రికాపై అసత్య ఆరోపణలు
• బ్రెజిల్ ఎగుమతులపై కఠిన సుంకాలు
ఈ చర్యలు మూడు దేశాలకు ఒక స్పష్టమైన సంకేతం ఇచ్చాయి: స్వంత ప్రయోజనాలను రక్షించుకోవాలంటే బలమైన సమిష్టి కూటమి అవసరం.
అందుకే IBSA తిరిగి ప్రాముఖ్యత పొందుతోంది. అభివృద్ధి చెందుతున్న దేశాల ఆర్థిక ఏకీకరణ, సరఫరా గొలుసుల స్థిరత్వం, మార్కెట్ల విస్తరణ, పరస్పర పెట్టుబడులు, వాణిజ్య సహకారం వంటి అంశాల్లో ఈ మూడు దేశాలు మరింత శక్తివంతమైన భాగస్వామ్యాన్ని నిర్మించే అవకాశముంది. ట్రంప్ చర్యలు వీటిని దూరం చేయకపోయి, మరింతగా దగ్గరవ్వడానికి దారిచూపుతున్నాయని నిపుణులు భావిస్తున్నారు. భవిష్యత్లో IBSA గ్లోబల్ సౌత్ సహకారానికి కొత్త దిశనిచ్చే వేదికగా మారవచ్చని వారు పేర్కొంటున్నారు.
Read hindi news : hindi.vaartha.com
Epaper : epapervaartha.com
Read Also:
