అమెరికాలోని (In America) ప్రముఖ నగరం లాస్ ఏంజెలెస్ తీవ్ర ఉద్రిక్తతను ఎదుర్కొంటోంది. వలసదారులపై చర్యలపై ఆగ్రహం వ్యక్తం చేస్తూ ప్రజలు రోడ్లెక్కారు. ఐసీఈ (ఇమిగ్రేషన్ అండ్ కస్టమ్స్ ఎన్ఫోర్స్మెంట్) విధానాలను వ్యతిరేకిస్తూ చేపట్టిన ఆందోళనలు మెల్లగా హింసాత్మకంగా మారాయి.దాదాపు 2,000 మంది నిరసనకారులు డౌన్టౌన్ 101 ఫ్రీవే పైకి చేరారు. ఆ మార్గాన్ని పూర్తిగా బంద్ చేసి, ట్రాఫిక్ను అడ్డుకున్నారు. నిరసనకారులు కొన్ని సెల్ఫ్ డ్రైవింగ్ కార్లు, పోలీసు వాహనాలకు నిప్పుపెట్టారు. భద్రతా సిబ్బందిపై వస్తువులు విసిరారు. పోలీసులు వారిని చెదరగొట్టే క్రమంలో ఒక విలేకరికి రబ్బరు తూటా తగిలింది.ఈ ఉదంతం నేపథ్యంలో డౌన్టౌన్ ప్రాంతంలో ప్రజలు గుమికూడొద్దని పోలీసులు హెచ్చరించారు. వాణిజ్య కార్యకలాపాలు తాత్కాలికంగా నిలిచిపోయాయి.
ట్రంప్ ఆదేశాలు – మస్క్ మద్దతు
ఈ ఘర్షణపై అమెరికా అధ్యక్షుడు డొనాల్డ్ ట్రంప్ తీవ్రంగా స్పందించారు. నగరంలో శాంతి నెలకొల్పేందుకు 2,000 నేషనల్ గార్డ్స్ను మోహరించాలని ఆదేశించారు. ఇప్పటికే 300 మంది సైనికులు లాస్ ఏంజెలెస్కు చేరారు.అంతేగాక, ఆందోళనల సందర్భంగా మాస్క్ ధరించిన వారిని అరెస్ట్ చేయాలన్న ఆదేశాలు ట్రంప్ జారీ చేశారు. మాస్క్లు ధరించడం నిషేధించాలని చెప్పిన ఆయనకు ఎలాన్ మస్క్ మద్దతు తెలిపారు.టెస్లా అధినేత ఎలాన్ మస్క్ (Elon Musk) ట్రంప్ నిర్ణయాలను సమర్థిస్తూ ‘ఎక్స్’ వేదికగా పలు పోస్టులు చేశారు. ట్రంప్ చేసిన ఆరోపణల స్క్రీన్షాట్ను షేర్ చేస్తూ కాలిఫోర్నియా గవర్నర్ మరియు నగర మేయర్ క్షమాపణలు చెప్పాలన్నారు. ఇది రాజకీయంగా పెద్ద చర్చకు దారితీసింది.
మేయర్ బాస్ స్పందన – అధికారుల వైఖరిపై విమర్శ
లాస్ ఏంజెలెస్ మేయర్ కరెన్ బాస్ ట్రంప్ తీరు పట్ల అసంతృప్తి వ్యక్తం చేశారు. నిరసనలు శాంతియుతంగా జరగాలి, అని ఆమె అన్నారు. ఐసీఈ దాడులు ప్రజల జీవితాలను తలకిందులు చేస్తున్నాయని ఆమె ఆరోపించారు. తల్లిదండ్రుల్ని పిల్లల నుంచి వేరు చేయడం, ఉద్యోగస్థలపై దాడులు చేయడం బాధాకరమని చెప్పారు.
ట్రంప్ తీవ్ర వ్యాఖ్యలు – నగరంపై ఆరోపణలు
మరోవైపు ట్రంప్ సోషల్ మీడియాలో, లాస్ ఏంజెలెస్ ఒకప్పుడు గొప్ప నగరం. ఇప్పుడు అది అక్రమ వలసదారులు, నేరగాళ్ల చేతుల్లో ఉంది, అంటూ తీవ్ర వ్యాఖ్యలు చేశారు. ఈ వ్యాఖ్యలు చర్చనీయాంశంగా మారాయి.ఇప్పటికే నగరంలో ప్రజల్లో భయం నెలకొంది. నిరసనలతో కూడిన ఉద్రిక్తత వాతావరణం కొనసాగుతోంది. శాంతి నెలకొల్పేందుకు ప్రభుత్వం, భద్రతా సిబ్బంది ఎటు చూసినా కృషి చేస్తున్నారు. కానీ రాజకీయ వ్యాఖ్యలు, వ్యతిరేక ఆరోపణలు పరిస్థితిని మరింత ఉద్రిక్తంగా మార్చుతున్నాయి.
Read Also : Honeymoon Murder:రఘువంశీ తలపై బలమైన గాయాలు పోస్టుమార్టంలో వెల్లడి
