Trump: ప్లుటోనియం డీల్ రద్దు.. ట్రంప్ కు పుతిన్ షాక్

రష్యా-ఉక్రెయిన్ల మధ్య యుద్ధం విషయంలో పుతిన్, ట్రంప్ లమధ్య గతకొంతకాలంగా విభేదాలు
చోటుచేసుకుంటున్నాయి. ఎలాగైనా యుద్ధాన్ని ఆపివేయాలని ట్రంప్ చేస్తున్న తీవ్ర ప్రయత్నాలకు పుతిన్ అడ్డుకుంటున్నారు. చమురు విషయంలో రష్యాను దెబ్బతీయాలని భారత్ రష్యా నుంచి చమురు కొనుగోలును తగ్గించాలని ఆదేశించారు. కానీ భారత్ దీన్ని ఏమాత్రం ఖాతరు చేయలేదు. తాజాగా పుతిన్ ట్రంప్ కు బిగ్ షాక్ నిచ్చారు. అమెరికాతో ఉన్న ప్లుటోనియం ఒప్పందాన్ని పుతిన్ రద్దు చేసుకున్నారు. దీనిపై పుతిన్ తాజాగా సంతకం చేశారు. దీంతో ఇప్పటివరకు ఆగి ఉన్న అణు అగ్గి రాజుకున్నట్టయింది. రష్యాను కంట్రోల్ చేయడం కష్టమా? రష్యా దగ్గర అణు సామర్థ్యానికి, అణ్వాయుధాల తయారీకి సంబంధించిన మూల పదార్థాం చాలానే ఉంది. దానిని అడ్డం పెట్టుకునే ఇన్నాళ్లుగా మొండి వైఖరిని ప్రదర్శిస్తోంది.

రష్యా కనుక అణుశక్తిని వాడడం మొదలుపెడితే ఆపడం ఎవ్వరి తరమూ కాదు. అందుకే అగ్రరాజ్యం అమెరికా ముందు జాగ్రత్తగా 2000 సంవత్సరంలో రష్యాతో ది ప్లుటోనియం మేనేజ్మెంట్ అండ్ డిస్ పొజిషన్ అగ్రిమెంట్ ను కుదుర్చుకుంది. దీనిప్రకారం యుద్ధాలు జరుగుతున్నప్పుడు తన దగ్గర నిల్వ ఉన్న 34 మెట్రిక్ టన్నుల ప్లుటోనియాన్ని అణ్వాయుధాల తయారీకి కాకుండా కేవలం పౌర అణు విద్యుత్ కోసం మాత్రమే వాడాలి. ఈ ఒప్పందాన్ని 2010లో మళ్లీ సవరించారు కూడా. దీని ద్వారా దాదాపు 17వేల అణ్వాయుధాల తయారుకాకుండా అడ్డుకున్నట్లు అవుతుందని అమెరికా లెక్కలు వేసింది. అయితే ఈ ఒప్పందానికి 2016లోనే గండిపడింది. బరాక్ ఒబామా అధ్యక్షుడిగా ఉన్నప్పుడే రష్యాతో సంబంధాలు దెబ్బతిన్నాయి. ఆ వెంటనే పుతిన్ కూడా ప్లుటోనియం ఒప్పందాన్ని నిలిపివేశారు. తాజాగా దాన్ని పూర్తిగా రద్దు చేస్తున్నట్టు ప్రకటించారు.

పుతిన్, ట్రంప్‌ల మధ్య ఏ విషయంపై విభేదాలు ఉద్భవించాయి?
రష్యా–ఉక్రెయిన్ యుద్ధం విషయంలో విభేదాలు పెరిగాయి. యుద్ధాన్ని ఆపాలని ట్రంప్ ప్రయత్నిస్తుండగా, పుతిన్ ఆయన సూచనలను పట్టించుకోవడం లేదు.

పుతిన్ తాజాగా ఏ నిర్ణయం తీసుకున్నారు?
అమెరికాతో ఉన్న ప్లుటోనియం మేనేజ్‌మెంట్ అండ్ డిస్‌పోజిషన్ ఒప్పందాన్ని పుతిన్ రద్దు చేశారు.

Read hindi news : hindi.vaartha.com

Epaper : epapervaartha.com