ఒకప్పుడు ఇరువురు పరస్పరం మెచ్చుకున్న వ్యక్తులుగా ఉండగా, ఇప్పుడు అమెరికా అధ్యక్షుడు డొనాల్డ్ ట్రంప్, (Donald Trump) టెస్లా సీఈఓ ఎలాన్ మస్క్ (Elon Musk) మధ్య సంబంధాలు క్షీణించాయి. ఇప్పుడు వారి మధ్య అభిప్రాయ భేదాలు మరింత బలంగా మారాయి.టెస్లా సంస్థకు తన మద్దతు ప్రకటిస్తూ ట్రంప్ గతంలో ఓ రెడ్ కలర్ మోడల్ ఎస్ కారును కొనుగోలు చేశారు. అయితే తాజా పరిణామాల తర్వాత, ఆ కారును విక్రయించాలనే ఆలోచనలో ఆయన ఉన్నట్లు తెలుస్తోంది. ప్రస్తుతం ఈ కారు వైట్ హౌస్ ఆవరణలోనే ఉంది.మస్క్ ప్రభుత్వ విధానాలపై ఘాటు విమర్శలు చేశారు. ముఖ్యంగా “బిగ్ బ్యూటిఫుల్ బిల్” అనే చట్టానికి ఆయన గట్టి వ్యతిరేకత తెలిపారు. దీనిపై ట్రంప్ సీరియస్ అయ్యారు. మస్క్ కంపెనీలకు ఉన్న ప్రభుత్వ ఒప్పందాలను రద్దు చేయాలని సూచించారు.
టెస్లా షేర్లకు ప్రభావం, మస్క్ నష్టాల్లో
ఈ వివాదం టెస్లా షేర్లపై ప్రభావం చూపింది. కంపెనీ షేర్ విలువ క్షీణించడంతో మస్క్ నెట్ వర్త్ $34 బిలియన్ల మేర తగ్గింది. ఇది ఆయన్ను తీవ్రంగా ఆందోళనకు గురిచేసింది.వివాద నేపథ్యంలో మస్క్ తన స్పేస్ఎక్స్ డ్రాగన్ స్పేస్క్రాఫ్ట్ను డీకమీషన్ చేయనున్నట్లు ప్రకటించారు. ఇది నాసాకు వ్యోమగాములు, సరుకులు తరలించే ప్రధాన వాహనం. అయితే కొన్ని గంటలకే మస్క్ తన నిర్ణయాన్ని వెనక్కు తీసుకున్నారు.
2024లో మస్క్ మద్దతు.. ఇప్పుడు సందేహాలు
2024 ఎన్నికల్లో మస్క్ ట్రంప్కు సుమారు $275 మిలియన్ల మద్దతు ఇచ్చారు. ఇప్పుడు ఈ మద్దతు కొనసాగుతుందా అనే అనుమానాలు మొదలయ్యాయి. అంతేకాదు, మస్క్ స్వంతంగా “అమెరికా పార్టీ” అనే కొత్త రాజకీయ పార్టీ ఏర్పాటు చేసే యోచనలో ఉన్నట్టు సమాచారం.ఈ పరిణామాల మధ్య ట్రంప్ తన టెస్లా మోడల్ ఎస్ను విక్రయించాలని నిర్ణయించారని అంటున్నారు. కానీ ఇప్పటికీ అధికారిక ప్రకటన రాలేదు. మస్క్ – ట్రంప్ వైఖరుల మధ్య ఈ రాజకీయ వివాదం మరింత ముదరే అవకాశం ఉంది.
Read Also : Rahul Gandhi : ఈసీపై నిప్పులు చెరిగిన రాహుల్