అమెరికా ఇటీవల వెనిజులా సమీపంలో తన సైనిక విన్యాసాలను గణనీయంగా పెంచింది. మాజీ అధ్యక్షుడు డోనాల్డ్ ట్రంప్(Trump) ప్రారంభించిన ఆపరేషన్ సదర్న్ స్పియర్ వేగం పుంజుకోవడంతో, ఈ చర్యలు వెనిజులా అధ్యక్షుడు నికోలస్ మదురోపై(Nicolas Maduro) ఒత్తిడి పెంచేందుకు జరగుతున్నాయనే అనుమానాలు నెలకొన్నాయి.
Read Also: Earthquake: మయన్మార్లో మరోసారి భూకంపం
15,000 మంది సైనికులు, భారీ యుద్ధనౌకల సమీకరణ
యూఎస్ఎస్ జెరాల్డ్ ఆర్. ఫోర్డ్ వంటి భారీ విమాన వాహక నౌక చేరికతో పాటు, ఇప్పటికే ఆ ప్రాంతంలో ఉన్న యుద్ధనౌకలు, ప్యూర్టో రికోలో ఉన్న దళాలను కలుపుకొని మొత్తం 15,000 మంది అమెరికా సైనికులు అక్కడ మోహరించారు. ఇది ఆ ప్రాంతంలో గత దశాబ్దాల్లో జరిగిన అతిపెద్ద సైనిక సమీకరణగా గుర్తిస్తున్నారు.
అమెరికా(Trump) రక్షణ కార్యదర్శి పీట్ హెగ్సెత్ ఈ మిషన్ ప్రధాన లక్ష్యం మాదకద్రవ్య రవాణా చేసే నార్కో-టెర్రరిస్టులపై చర్యలు తీసుకోవడం, అమెరికా ప్రజలను డ్రగ్స్ ప్రమాదం నుంచి రక్షించడం అని తెలిపారు. అయితే, ఇటీవల జరిగిన దాడుల్లో ఎక్కువగా వెనిజులా తీరానికి దగ్గరగా ఉన్న పడవలు లక్ష్యంగా కావడం గమనార్హం.
సైనిక ఒత్తిడి పెంచడానికేనా అమెరికా చర్యలు?
విశ్లేషకుల అభిప్రాయం ప్రకారం, డ్రగ్ స్మగ్లింగ్ను అరికట్టడానికి పెద్ద మొత్తంలో యుద్ధనౌకలు, విమాన వాహక నౌకలు అవసరం ఉండవు. కాబట్టి ఈ సైనిక మోహరింపు మదురో ప్రభుత్వాన్ని బలహీనపరచే ప్రయత్నం కావచ్చని అంచనాలు వ్యక్తమవుతున్నాయి. మదురోపై అమెరికా ఇప్పటికే డ్రగ్ ట్రాఫికింగ్ మరియు మనీలాండరింగ్ కేసులు నమోదు చేసి, దేశవ్యాప్తంగా వారెంట్ జారీ చేసింది. అమెరికా చర్యలకు ప్రతిస్పందనగా, వెనిజులా రక్షణ మంత్రి వ్లాదిమిర్ పాద్రినో లోపెజ్ దేశాన్ని హై అలర్ట్లోకి వెళ్లాలని ఆదేశించారు. మదురో ప్రభుత్వం దాదాపు రెండు లక్షల మంది సైనికులను మోహరించామని, ఏ పరిస్థితినైనా ఎదుర్కోవడానికి సిద్ధంగా ఉన్నామని వెల్లడించింది.
Read hindi news: hindi.vaartha.com
Epaper : epaper.vaartha.com/
Read Also: