అమెరికా రాజకీయాల్లో పెద్ద కలకలం రేపే ఘటన చోటుచేసుకుంది. అధ్యక్షుడు డొనాల్డ్ ట్రంప్ (Donald Trump) కు సన్నిహితుడిగా పేరుగాంచిన యువ నేత చార్లీ కిర్క్ (31) దారుణ కాల్పుల ఘటనలో మృతి (Charlie Kirk (31) dies in brutal shooting) చెందాడు. ఈ సంఘటన ఉటాహ్ వాలీ విశ్వవిద్యాలయంలో జరిగిన అమెరికన్ కమ్ బ్యాక్ టూర్ కార్యక్రమంలో జరిగింది. ప్రసంగం జరుగుతున్న క్రమంలో అకస్మాత్తుగా కాల్పులు ప్రారంభమవడంతో అక్కడి వాతావరణం ఒక్కసారిగా అల్లకల్లోలంగా మారింది.చార్లీ కిర్క్ వేదికపై ప్రసంగిస్తుండగా గుర్తు తెలియని వ్యక్తి కాల్పులు జరిపాడు. గుంపులో గందరగోళం చెలరేగింది. భయాందోళనల మధ్య విద్యార్థులు, పాల్గొన్నవారు ప్రాణాలు కాపాడుకోవడానికి పరుగులు తీశారు. ఈ ఘటనలో చార్లీ కిర్క్ అక్కడికక్కడే కుప్పకూలాడు. పోలీసులు వెంటనే స్పందించి అతడిని సమీప ఆసుపత్రికి తరలించారు. కానీ వైద్యులు ఆయనను కాపాడలేకపోయారు.
చార్లీ కిర్క్ రాజకీయ ప్రస్థానం
చార్లీ కిర్క్ అమెరికాలో యువ నాయకుడిగా గుర్తింపు తెచ్చుకున్నాడు. ట్రంప్తో ఆయనకు ఉన్న సన్నిహిత సంబంధాల కారణంగా రాజకీయ వర్గాల్లో ప్రత్యేక గుర్తింపు పొందాడు. కన్సర్వేటివ్ సిద్ధాంతాలను బలంగా ప్రచారం చేస్తూ, యువతలో పెద్ద ఎత్తున మద్దతు కూడగట్టాడు. ఆయన మరణం అమెరికా రాజకీయ రంగంలో పెద్ద ఖాళీని మిగిల్చిందని విశ్లేషకులు చెబుతున్నారు.ఇంత పెద్ద కార్యక్రమంలో ఇలాంటి ఘటన జరగడం అమెరికా భద్రతా వ్యవస్థపై ప్రశ్నలు లేవనెత్తింది. విద్యార్థులు, అధ్యాపకులు ప్రాణభయంతో పరుగులు తీయాల్సిన పరిస్థితి ఏర్పడిందని ప్రత్యక్ష సాక్షులు తెలిపారు. అమెరికా రాజకీయ నేతలు కూడా భద్రతా ఏర్పాట్ల లోపం పట్ల ఆగ్రహం వ్యక్తం చేస్తున్నారు. అధ్యక్షుడు ట్రంప్ ఈ ఘటనపై తీవ్ర దిగ్భ్రాంతి వ్యక్తం చేశారు. చార్లీ కిర్క్ను “ధైర్యవంతుడు, యువ నాయకుడు”గా ఆయన పేర్కొన్నారు.
దర్యాప్తు వేగం పెంచిన పోలీసులు
కాల్పులు జరిపిన దుండగుడిని అదుపులోకి తీసుకున్నట్లు పోలీసులు వెల్లడించారు. అతని వద్ద నుంచి ఆయుధాన్ని స్వాధీనం చేసుకున్నారు. దాడి వెనుక ఉన్న ఉద్దేశం ఏమిటి అనే దానిపై దర్యాప్తు చేస్తున్నారు. చార్లీ కిర్క్ను ఎందుకు టార్గెట్ చేశారన్న విషయంపై ఇంకా స్పష్టత రాలేదు. అయినప్పటికీ అమెరికా అంతటా ఈ ఘటనపై చర్చలు జరుగుతున్నాయి.
అమెరికా అంతటా స్పందనలు
చార్లీ కిర్క్ మృతి పట్ల అమెరికా వ్యాప్తంగా సంతాపం వెల్లువెత్తుతోంది. ఆయనను మద్దతు ఇస్తున్న యువజన సంస్థలు, కన్సర్వేటివ్ గ్రూపులు తీవ్ర ఆగ్రహం వ్యక్తం చేస్తున్నాయి. సోషల్ మీడియాలో ఆయన అభిమానులు తమ విచారాన్ని వ్యక్తం చేస్తున్నారు. అమెరికాలో పెరుగుతున్న గన్ హింసపై మళ్లీ పెద్ద చర్చ మొదలైంది.చార్లీ కిర్క్ దారుణ హత్య అమెరికా రాజకీయాల్లో పెద్ద కలకలం రేపింది. ట్రంప్ సన్నిహితుడి మృతితో కన్సర్వేటివ్ శక్తులు తీవ్ర షాక్కు గురయ్యాయి. ఈ ఘటన అమెరికాలో భద్రతా వ్యవస్థపై కొత్త చర్చకు దారితీసింది. రాబోయే రోజుల్లో ఈ కేసు అమెరికా రాజకీయ చర్చల్లో కీలక అంశంగా మారడం ఖాయం.
Read Also :