గాజా (Gaza) నగరంలో తీవ్ర కరవు పరిస్థితి నెలకొందని ఐక్యరాజ్యసమితి (ఐరాస) (United Nations (UN) అధికారికంగా ప్రకటించింది. మధ్యప్రాచ్యంలో ఒక ప్రాంతంలో ఇలా కరవు ప్రకటించటం ఇదే తొలిసారి కావడం గమనార్హం. అయితే, ఈ ప్రకటనపై ఇజ్రాయెల్ తీవ్ర అభ్యంతరం తెలిపింది.ఐరాస ప్రకటన వెలువడిన వెంటనే ఇజ్రాయెల్ విదేశాంగ శాఖ స్పందించింది. ఇది పూర్తిగా తప్పుడు నివేదిక. గాజాలో కరవు లేదు. ఇది హమాస్ ప్రచారానికి పాల్పడే అబద్ధం, అని ఖండించింది. దీంతో, గాజాలో వాస్తవ పరిస్థితులపై ప్రపంచవ్యాప్తంగా చర్చ నడుస్తోంది.ఇంటిగ్రేటెడ్ ఫుడ్ సెక్యూరిటీ ఫేజ్ క్లాసిఫికేషన్ (IPC) ఆధారంగా ఈ నివేదిక రూపొందించారు. గాజా నగరంతో పాటు దాదాపు 20 శాతం ప్రాంతం కరువు స్థాయికి చేరిందని స్పష్టం చేశారు. కాల్పుల విరమణ జరగకపోతే, దక్షిణ గాజాలోని ఇతర ప్రాంతాలకూ ఇది వ్యాపించవచ్చని హెచ్చరించారు.
ఇది నివారించదగిన కరువు – ఐరాస అధికారి
జెనీవాలో జరిగిన సమావేశంలో ఐరాస సహాయ ప్రధాన అధికారి టామ్ ఫ్లెచర్ మాట్లాడారు. ది నివారించదగిన కరువు. అయితే, ఇజ్రాయెల్ కావాలనే ఆహార సరఫరాకు అడ్డుపడుతోంది అని విమర్శించారు. ఈ ఆకలి మనల్ని వెంటాడుతుంది అంటూ ఆవేదన వ్యక్తం చేశారు.ఐరాస మానవ హక్కుల అధికారి వోల్కర్ టర్క్ మాట్లాడుతూ, ఆకలిని యుద్ధ ఆయుధంగా వాడటం అనేది యుద్ధ నేరం అని పేర్కొన్నారు. గాజా ప్రజలకు కావాల్సిన సహాయాన్ని అందించడం ఒక్క దశలో నిలిచిపోవడం ఘోరం అన్నారు.ఇజ్రాయెల్ సైనిక విభాగమైన ‘కోగాట్’ ఓ ప్రకటనలో స్పందించింది. గాజాకు సరఫరా పెంచేందుకు మేము అన్ని చర్యలు తీసుకుంటున్నాం. ఐరాస నివేదిక తప్పుడు సమాచారం ఆధారంగా రూపొందించబడింది’’ అని పేర్కొంది.
కరవు ప్రకటించాలంటే ఏ నిబంధనలు పాటించాలి?
ఒక ప్రాంతంలో కరువు ప్రకటించాలంటే IPC కొన్ని ప్రమాణాలు అవసరం. జనాభాలో కనీసం 20 శాతం కుటుంబాలు తినేందుకు తిండి లేక ఉండాలి. చిన్నారులలో 30 శాతం పోషకాహార లోపంతో ఉండాలి. ప్రతి 10,000 మందిలో 2 పెద్దలు లేదా 4 పిల్లలు ఆకలితో చనిపోవాలి. గాజాలో ఈ ప్రమాణాలన్నీ దాటినట్లే అంచనా.సోమాలియా, దక్షిణ సూడాన్లో ఇలాంటి ప్రకటనలు ఇప్పటికే వచ్చినా, మధ్యప్రాచ్యంలో ఇది తొలిసారి. అక్టోబర్ 7న హమాస్ దాడి అనంతరం మొదలైన ఘర్షణల్లో ఇప్పటివరకు 60,000 మందికి పైగా పాలస్తీనియన్లు మరణించినట్లు గాజా ఆరోగ్య శాఖ వెల్లడించింది.ఇది కేవలం రాజకీయం కాదు. ఇది ప్రాణాల అంశం. ఒకవైపు యుద్ధం, మరోవైపు ఆకలి. గాజాలోని పరిస్థితి ప్రపంచ మనసులను కదిలించే స్థితిలో ఉంది. ఇకపైనా కాల్పులు ఆపి, సహాయం అందించాల్సిన అవసరం ఎంతైనా ఉంది.
Read Also :
